Pravaabaroncy dasłali ŭ sudy vyniki manitorynhu — u bolšaści naviedanych pracesaŭ jany zafiksavali parušeńni
Centr pravavoj transfarmacyi Lawtrend nakiravaŭ u 12 rajonnych sudoŭ Biełarusi manitorynhavuju spravazdaču pa vynikach nazirańnia za sudovymi spravami na praciahu 2012 hoda.
Dakumient «Abmiežavańnie svabody schodaŭ u Biełarusi: sudovaja praktyka pa administracyjnych spravach u 2012 hodzie» zaklikany dapamahčy sudam pryvieści svaju praktyku ŭ adpaviednaść ź mižnarodnymi standartami adpraŭleńnia pravasudździa. Raniej spravazdaču nakiravali ŭ Viarchoŭny i Kanstytucyjny Sudy. Pravaabaroncy čakajuć stanoŭčaj reakcyi sudoŭ ahulnaj jurysdykcyi na acenki i rekamiendacyi ekśpiertaŭ.
U 2012 hodzie naziralniki Lawtrend naviedali 33 sudovyja pracesy ŭ 12 rajonnych sudach.U hetych pracesach razhladalisia administracyjnyja spravy ab parušeńniach pravił praviadzieńnia masavych mierapryjemstvaŭ, drobnym chulihanstvie i niepadparadkavańni supracoŭnikam milicyi (art. 23.34, 17.1 i 23.4 KaAP). Usie hetyja spravy inicyjavalisia supracoŭnikami orhanaŭ unutranych spraŭ u dačynieńni da arhanizataraŭ albo ŭdzielnikaŭ mirnych schodaŭ.
U bolšaści vypadkaŭ vyjaŭleny šmatlikija parušeńni pracesualnych harantyj, a taksama nieabhruntavanaje abmiežavańnie svabody schodaŭ i svabody vykazvańnia mierkavańniaŭ.
Na dumku ekśpierta Lawtrend Alaksieja Kaźluka, kožny asobny rajonny sud moža jakasna pavysić standarty, nie čakajučy kamandy źvierchu, choć pryviadzieńnie sudovaj praktyki ŭ adpaviednaść ź mižnarodnymi standartami znachodzicca, u pieršuju čarhu, u kampietencyi Viarchoŭnaha Suda.
Kiraŭnik manitorynhavaj hrupy Lawtrend Michaił Mackievič adznačaje, što padčas pracy naziralnikaŭ nieadnarazova nie puskali ŭ zału sudovych pasiadžeńniaŭ.Pry hetym hramadzianie, jakija pieraškadžali pracy členaŭ manitorynhavaj hrupy, nie pradstaŭlalisia i nie pradjaŭlali dakumienty, jakija b rehłamientavali ich dziejańnia. U pieravažnaj bolšaści infarmacyi ab sudovych pasiadžeńniach nie było. Z takimi ž prablemami sutykalisia inšyja pravaabaroncy i žurnalisty. Jaskravym prykładam byŭ praces u dačynieńni da žurnalistak Koźlik i Daraškievič».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary