Zvarot u abaronu Šyły, Hryščeni, Azarki.
Nas vielmi niepakoić toj fakt, što ŭ našaj krainie praciahvajecca nieabjaŭlenaja vajna suprać moładździ — samych aktyŭnych prychilnikaŭ demakratyčnych pieramienaŭ, advažnych zmaharoŭ za nacyjanalnaje adradžeńnie.
Za akreślennuju hramadskuju pazicyju i ŭdzieł u akcyjach salidarnaści junakoŭ kožny tydzień zatrymlivajuć, ciahajuć pa pastarunkach, sudziać pa sfalsifikavanych pratakołach za «niecenzurnuju łajanku» abo drobnaje chulihanstva.
Samych śvietłych, adukavanych i talenavitych junakoŭ i dziaŭčat vyklučajuć z univiersitetaŭ, padviarhajuć vobšukam, kidajuć u turmy. Supracoŭniki Kamiteta dziaržbiaśpieki ŭryvajucca ŭ pryvatnyja kvatery, robiać vobšuki, pieraśledujuć na vulicy, prasłuchoŭvajuć telefonnyja razmovy, dapytvajuć moładź u navučalnych ustanovach, akazvajuć psichałahičny cisk, pieraśledujuć baćkoŭ aktyvistaŭ i zvalniajuć ich z pracy.
Za masavyja akcyi z nacyjanalnymi ściahami, našeńnie nacyjanalnaj simvoliki, imknieńnie razmaŭlać na rodnaj movie moładź pieraśledujuć i karajuć pa miescy navučańnia, nie dapuskajuć da ispytaŭ, vyhaniajuć ź internataŭ.
Moładzievyja lidery Źmicier Daškievič, Artur Fińkievič znachodziacca ŭ źniavoleńni. Režym pieraśleduje navat niepaŭnahadovych, siarod jakich Anastaśsia Pałažanka i Ivan Šyła. Na praciahu minułych tydniaŭ ŭ Miensku byli aryštavanyja 15 junakoŭ.
Znoŭ za kratami apnulisia Pavał Sieviaryniec, Alaksiej Šein, Źmicier Chviedaruk.
Na 15, 10 i 7 sutak źniavoleńnia na Akreścina asudžany — Alaksiej Šydłoŭski, Alaksandr Čarnyšoŭ, Valancin Sakałoŭski, Uładzimir Siarhiejeŭ, Kirył Mackievič, Siarhiej Klujeŭ.
Moładzievym arhanizacyjam «Małady Front» i «Maładaja hramada» admoŭlena ŭ rehistracyi.
KDB robić novy napad na «Małady front». U sud pieradadziena sprava salihorskaha maładafrontaŭca Ivana Šyły. Ivanu — 16 hadoŭ, jon źjaŭlajecca vučniem siaredniaj škoły. U minułym hodździe jon razam ź siabrami prymaŭ udzieł u haładoŭcy pratestu.
Paŭtornaja kryminalnaja sprava zaviedziena na Anastaśsiu Azarku, Niaśvižskuju aktyvistku. Dziaŭčyna, jakaja skončyła piedahahičny kaledž, lubić biełaruskuju movu, litaraturu, zachaplajecca paezijaj, nie moža ŭładkavacca na pracu. Joj prychodzicca pierabivacca na časovych zarobkach. Jaje ŭvieś čas trymajuć pad kantrolem orhany milicyi, chodziać za joj śledam, pryciahvajuć da adkaznaści, jak tolki ŭ horadzie źjaŭlajucca ŭlotki apazicyjnaha charaktaru. Doma ŭ Nasty niekalki razoŭ adbyvalisia pieratrusy. Zaraz Nasta znoŭ nachodzicca pad kryminalnaj spravaj. Anastaśsia Azarka ŭ «Maładym Froncie» užo 10 hod. Jaje dziadula z babulaj siadzieli ŭ stalinskich łahierach i tam paznajomilisia ź biełaruskimi patryjotami. Nasta ŭdzielničała ŭ šmatlikich akcyjach, dapamahała ŭ padrychtoŭcy vydańnia knihi P. Sieviarynca «Nacyjanalnaja ideja».
Pad kryminalnaj spravaj znachodzicca Baranavicki aktyvist «Maładoha Frontu « 18‑hadovy Jarasłaŭ Hryščenia. Paśla zakančeńnia bazavaj škoły jon zajmaŭsia ŭ budaŭničym vučyliščy. Dałučyŭsia da aktyŭnaj dziejnaści «Maładoha frontu», na praciahu 4 hadoŭ braŭ udzieł u pracy Baranavickaj filii moładzievaj arhanizacyi. Byŭ na Majdanie ŭ čas ukrainskich vybarach u 2004 hodździe. Za heta byŭ vyklučany z navučalnaj ustanovy, pieravioŭsia ŭ mastacka‑restaŭracyjnaje vučylišča. Prymaŭ udzieł u vybarčaj kampanii i namiotavym miastečku ŭ 2006 hodździe, paśla hetaha byŭ znoŭ vyklučany z vučoby. U 2007 hodździe na rašučaha i mocnaha maładafrontaŭca zaviedziena kryminalnaja sprava.U lutym paśla pieratrusa na kvatery aktyvista ŭ jaho byŭ kanfiskavany kampjutar.
Chłopcy i dziaŭčaty nie mohuć spakojna siadzieć doma pakul dyktatura viadzie nastup na pravy hramadzian. Jany ładziać akcyi pratestu, raźviešvajuć ściahi i partrety palitviaźniaŭ, nanosiać palityčnyja hrafici, ryzykujučy stracić vučobu i pracu.
My zaklikajem usich śviadomych hramadzian padniacca ŭ abaronu moładzi, jakaja idzie ŭ avanhardzie zmahańnia.
My patrabujem spynić pieraśled hramadski aktyŭnaj moładzi!
Nie — novym sudam nad maładafrontaŭcami!
Nie — raspravam nad niepaŭnahadovymi junakami!
Nie —pieraśledu maładych patryjotak!
Milinkievič A. U.palityk
Viačorka V.R. palityk
Statkievič M. V. palityk.
Sodal U. I. litaraturaznaŭca
Baradulin R.I. narodny paet Biełarusi,
Jakavienka V. C. piśmieńnik.
Skrabiec S.M. były palitviazień
Sabiła E.K. były represavany pastar
Drančuk C.V. były palitviazień.
Kaśpiarovič Z.A. były palitviazień
Branickaja E. V. byłaja palitźniavolenaja
Kulej I.F. hramadski dziejač
Michalevič A.A. palityk
Mazynski V.Ja. režysier,
.Vanina T. žurnalistka
Sieviaryniec T.Ja. maci palitźniavolenaha
Hareckaja E.I maci represavanaha
Karol A.P. maci represavanaha
Sałaŭjeva A. H.
Kandraševič A. A.
Kosienok Ł.S.
Ciareškava Je A.
Kavaleva I.V.
Šutava V. V.
Šyčko V. I.
Karpovič Ja.
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5
Kamientary