Cichi troječnik, jaki šukaŭ siabroŭ, a jaho bulili i plavalisia ŭ jaho — što viadoma pra Ramana, jaki napaŭ na adnakłaśnikaŭ z małatkom
Pra 13-hadovaha Ramana, jaki z małatkom napaŭ na adnakłaśnikaŭ u škole Čalabinska, havorać jak pra cichaje, nieprykmietnaje dzicia, u jakoha nie było siabroŭ, i byli prablemy sa znosinami.
Pry hetym chłopiec sprabavaŭ znajści siabroŭ u internecie: časta pisaŭ u adpaviednyja supołki ŭ nadziei paznajomicca z kimści 11-14 hadoŭ. Sam pra siabie padletak pisaŭ, što jon «dobry», paviedamlajuć rasijskija pabliki.
Niekalki miesiacaŭ tamu ŭ Ramana byŭ kanflikt z adnakłaśnikami, piša «Ńjusdvač». Sa słoŭ baćki chłopca, adnakłaśniki bulili jaho i plavalisia ŭ jaho.
MASH ža piša, što padletak pryjšoŭ raspravicca z adnakłaśnicaj, jakaja ŭ vychodnyja zapeckała jaho kaśmietykaj. Astatnija z hetaha śmiajalisia. 16 vieraśnia Raman pryjšoŭ u svoj kłas z nažom, małatkom i mulažom pistaleta. Kanał śćviardžaje, što chłopčyk udaryŭ pa hałavie mienavita svaju kryŭdzicielku.
Kolkaść paciarpiełych da hetaha momantu pavialičyłasia da piaci — heta čaćviora siamikłaśnikaŭ i nastaŭnica.
Ciapier, pavodle źviestak SHOT, apieryrujuć dźviuch dziaŭčynak: Leru, jakoj Raman parezaŭ horła nažom i ŭdaryŭ pa hałavie. Taksama chirurhi zmahajucca za žyćcio druhoj siamikłaśnicy — Mašy. U jaje traŭma čerapa, adkrytaja rana. Miedyki aceńvajuć stan školnic jak ciažki. U astatnich paciarpiełych mienš surjoznyja traŭmy.
Pavodle SHOT, paśla napadu na adnakłaśnikaŭ Ramana skrucili ŭ prybiralni, dzie toj sprabavaŭ ździejśnić suicyd.
Škoła, u jakoj adbyłosia nadzvyčajnaje zdareńnie — karekcyjnaja, mnohija vučni znachodzilisia na ŭliku pa spravach niepaŭnaletnich.
U Minsku zatrymali partnioraŭ Maziepina pa «Urałkalii», adnych z samych bahatych biełarusaŭ Rasii10
Kamientary