Ci možna dzieciam u škole zamiest padručnikaŭ karystacca płanšetam?
Baćka vučnia minskaj škoły pacikaviŭsia, ci možna dzieciam nasić z saboj u škołu płanšet zamiest padručnikaŭ, pišuć «Minsk-Naviny». U himnazii, dzie vučycca jahonaje dzicia, heta nibyta zabaranili.
«Ale ž mnohija baćki i kuplali płanšety śpiecyjalna dla taho, kab razhruzić dziaciej ad ciažkich dapamožnikaŭ u partfieli», — adznačyŭ mužčyna.
U Kamitecie pa adukacyi Minharvykankama adkazali, što pramoj zabarony na vykarystańnie płanšetaŭ zamiest padručnikaŭ niama. Maŭlaŭ, pry razumnaj arhanizacyi adukacyjnaha pracesu i pry ŭliku zachavańnia sanitarnych normaŭ i praviłaŭ vykarystańnie płanšetaŭ dazvolena.
«Ale važna, kab kožnaje dzicia i baćki razumieli, što elektronnaja pryłada na ŭroku moža być vykarystanaja tolki ŭ jakaści knihi», — udakładnili ŭ viedamstvie.
Taksama skazana, što płanšety rekamiendujecca vykarystoŭvać nie na kožnym uroku, kab nie nanieści škody zroku, i tym bolš nie padčas pierapynku.
«U asobnych vypadkach, źviazanych, naprykład, sa stanam zdaroŭja dziciaci, płanšet moža stać prymalnaj zamienaj niekalkich padručnikaŭ», — havorycca ŭ paviedamleńni.
Čynoŭniki taksama ŭdakładnili, što vykarystoŭvać płanšet na pastajannaj asnovie ŭ jakaści srodku vizualizacyi nie varta.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary
Takžie jeho vpiečatlenija, čto mnoho umnych dietiej i motivirovany učiťsia. Nikto v škole nie oriet i nie oskorblajet ich. Jeśli zdieś on był v piervych lidierach po učiebie, to tam sriednij urovień, nadiejuś podtianietsia.
Jeda biespłatno. Apielsiny, ślivy, hruši, niektariny, banany - eto tolko iz fruktov. Mnoho pisať pro łanči. Dažie sinnabony jesť!
S užasom vspominajet otnošienije i atmośfieru v našiej. Učitielej. Słava bohu čto ujechali!