Z paniadziełka — novyja praviły pa ŭvozie žyvioł ź Biełarusi ŭ ES
Z 16 vieraśnia ŭstupili ŭ siłu novyja praviły pa ŭvozie sabak i katoŭ ź Biełarusi ŭ ES.
Biełaruś i Rasiju vyklučyli sa śpisu krain, vyzvalenych ad abaviazku prachodzić test na citr antyciełaŭ da virusu šalenstva, nahadvaje Dzik Pic.
Heta źmianieńnie praduhledžvaje trochmiesiačny pieryjad čakańnia dla sabak, katoŭ i tcharoŭ pierad ujezdam na terytoryju Jeŭrapiejskaha Sajuza, i adličvajecca z dnia zaboru kryvi dla daśledavańnia.
Kali hadavaniec jedzie ŭ Jeŭrasajuz
Hałoŭny dziaržaŭny vieterynar Departamienta pamiežnaha kantrolu Litvy Alicyja Zarankovič raniej papiaredžvała, što ź vieraśnia hetaha hoda:
— dla ŭvozu ŭ Jeŭrasajuz sabak, katoŭ abo tcharoŭ ź Biełarusi treba pravodzić test na antycieły da šalenstva;
— uzor testu na antycieły da šalenstva treba ŭziać jak minimum praz 30 dzion paśla vakcynacyi suprać šalenstva i jak minimum za 3 miesiacy da vydačy vieterynarnaha siertyfikata i ŭjezdu ŭ ES;
— test pavinien pravodzicca ŭ zaćvierdžanaj łabaratoryi.
Hadavancy taksama abaviazany mieć vieterynarny siertyfikat uzoru ES, vydadzieny Dziaržaŭnym vieterynaram treciaj krainy. A jašče — padskurny mikračyp abo tatuiroŭku (zroblenuju da 3 lipienia 2011 hoda).
A što, kali hadavaniec viartajecca ź ES u Biełaruś?
U takoj žyvioły pavinien być pašpart chatniaj žyvioły dla ŭvozu ŭ ES; padskurny mikračyp abo tatuiroŭka; pryščepka ad šalenstva.
Taksama z 16 vieraśnia nieabchodna budzie padać infarmacyju, što žyviołu sierałahična pravieryli na antycieły da šalenstva pierad vyjezdam ź ES.
Kitaj paprasiŭ Biełaruś narmalizavać adnosiny z Polščaj — krynica6
Kamientary