«Transformery»
Tajny radavod padletkavaha atrakcyjonu.
Transformery (Transformers)
ZŠA, 2007, kalarovy, 144 chv.
Režyser: Majkł Bej
Roli vykonvajuć: Šya Łabief, Mehan Foks, Džoš Dziuamel, Rejčeł Tejłar, Tajres Hibsan, Džon Vojt, Džon Turtura
Žanr: Maładziovy fantastyčny bajavik
Adznaka: 5,5 (z 10)
Cyvilizacyi mechaničnych istotaŭ – Aŭtabotaŭ i Deseptykonaŭ – viaduć zmahańnie pamiž saboj. Zhubleny Enerhietyčny kub vyznačyć, chto budzie panavać u Suśviecie. Polem bitvy stajecca Ziamla, a klučavaja fihura ŭ baraćbie – padletak, jaki vielmi lubić mašyny…
Karcina Majkła Beja – vidoviščny kamercyjny atrakcyjon. Asnova atrakcyjonu – lalki-transformery. Kali dzietki, jakija hulali ŭ robataŭ, što pieraŭtvarajucca ŭ aŭtamabili j vajaroŭ, dasiahnuli kinahladzielnaha vieku – vyjšaŭ film. Majkł Bej (“Pierł-Charbar”, “Armahiedon”) – vydatna ŭpraŭlajecca ź vialikim biudžetam. Krutoje mačyłava mechaničnych lalek, hrukat, paloty, pieraŭtvareńni, vializnyja mašyny jak lepšyja siabry, stralanina, bomby i vybuchi…
Ale, akramia vykarystańnia brendavych cacak (i toliki chłapiečaha humaru) – karcina maje svaju tajnu. I hetaja tajna – svajactva.
Samuju złuju mašynu znachodziać u paŭnočnych ildach, jak u zabytaj karcinie baćki kinaatrakcyjonaŭ Žorža Mialjesa (u jahonaj stužcy stohadovaje daŭniny ahramadny śniehavy čałaviek napadaŭ na vandroŭnikaŭ). Ale svajactva “Transformeraŭ” nie abmiažoŭvajecca takimi pašanoŭnymi suviaziami. Mialjesaŭski śniežny čałaviek – stryječny brat Frankienštejna, jaki pavodle Šeli, chavaŭsia ŭ ildach.
Jašče adna tajna stužki – padletkavaja luboŭ. Kaho chłopiec lubić bolej: mašynu, albo dziaŭčynu? Padletki vahajucca, ale adkaz bomba-filmu nie pakidaje sumnievaŭ: “kruty chłopiec” musić lubić dziaŭčynu – na mašynie. Kinadziacinstvu - nia skončycca.
Seansy ŭ mienskich kinateatrach na sajcie kino.br.by.
Bližejšym časam buduć vyzvaleny bolš za 150 palitźniavolenych39
Kamientary