Prezident Kyrhyzstana: Asnova krainy — kyrhyzy, movu pavinny viedać usie
Prezident Kyrhyzstana zajaviŭ, što ŭ krainie niemahčymaja stabilnaść z abyjakavym staŭleńniem niekatorych hramadzian da dziaržaŭnaj movy. Ałmaźbiek Atambajeŭ adznačyŭ, što niezaležna ad nacyjanalnaści hramadzianie pavinny vałodać kyrhyzskaj movaj.
Asnova šmatnacyjanalnaha Kyrhyzstana — kyrhyzy. Padabajecca heta ci nie, vałodać dziaržaŭnaj movaj nieabchodna. Viadoma, my pavinny stvaryć umovy. Tolki zachacieli ŭvieści dakumientaabarot na kyrhyzskaj movie ŭ adnym siale ŭ Narynskaj vobłaści, jak u hazietach pačali pisać usiakaje. Niekatoryja žychary Kyrhyzstana, palityki, nie saromiejučysia ŭzdymajuć šum, źviartajučysia ŭ Rasiju i jaje ambasadu ... Heta haniebna», — skazaŭ prezident.
Hetaje vykazvańnie prahučała ŭ časie pasiadžeńnia Rady abarony Kyrhyzstana, dzie abmiarkoŭvałasia kancepcyja ŭmacavańnia mižetničnych dačynieńniaŭ.
Na minułym tydni parłamient krainy ŭ druhim čytańni ŭchvaliŭ papraŭki ŭ zakon «Ab dziaržaŭnaj movie». Z-za hetaha parłamient pačali krytykavać etničnyja rasijcy i rasijskamoŭnyja pradstaŭniki inšych nacyjanalnaściaŭ.
Zhodna z papraŭkami, dziaržaŭnyja słužboŭcy buduć pavinny zdavać ispyt na viedańnie dziaržaŭnaj movy, a aficyjnyja sustrečy pavinny buduć pravodzicca na kyrhyzskaj movie.Akramia taho, zakonaprajekt patrabuje, kab u vyšejšych orhanach ułady i orhanach miascovaha samakiravańnia aryhinały dakumientaŭ rychtavalisia na dziaržaŭnaj movie.
Kancepcyja ŭmacavańnia mižetničnych adnosin, uchvalenaja Radaj abarony, była raspracavanaja na asnovie niekalkich prajektaŭ, prapanavanych deputatami i Asamblejaj naroda Kyrhyzstana. Asnoŭnaja meta kancepcyi — «zabieśpiačeńnie nacyjanalnaha adzinstva praz palapšeńnie mižetničnych adnosin, zachavańnie kulturnaj spadčyny i etničnaj raznastajnaści».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary