Cituacyja z palitviaźniami ŭ lepšy bok nie mianiajecca i naŭrad ci źmienicca.
Pra heta zajaviła Natalla Pinčuk, žonka palitviaźnia Alesia Bialackaha.
«Viadoma, zajava kiraŭnika delehacyi Jeŭraparłamienta ŭ spravach Biełarusi Juostasa Paleckisa pra mahčymaść vyzvaleńnia palitviaźniaŭ cikavaja, ale nie dumaju, što varta abnadziejvacca na hety kont. Mianie vielmi ździvili jahonyja słovy ab tym, što nie varta nastojvać na ich poŭnaj reabilitacyi. Juostas Paleckis u svaim vystupie hruntavaŭ svajo mierkavańnie nibyta na tym, što častka apazicyi i hramadzianskaj supolnaści vystupaje za toje, kab nie viałasia baraćba za poŭnuju reabilitacyju palitźniavolenych», — paviedamiła žonka Alesia Bialackaha.
Jana padkreśliła, što Juostasu Paleckisu varta adkryć karty i paviedamić, ci jość hetaje mierkavańnie jaho asabistaj pazicyjaj.
«Tady mnie cikava, ci nie sproba heta deputata Jeŭraparłamienta Paleckisa niejak adyści ad pryncypovaj pazicyi ES i schavacca za mierkavańnie inšych, abo taki ž punkt hledžańnia maje miesca, i tady chaciełasia b viedać, chto z apazicyi i hramadzianskaj supolnaści vystupaje z tym, kab nie baranić prava palityčnych viaźniaŭ na poŭnuju reabilitacyju. Pryčym heta datyčyć jak byłych palitviaźniaŭ, tak i tych, chto ciapier znachodzicca ŭ niavoli. Ja nie schilnaja varažyć z hetaj nahody, i mnie b chaciełasia pačuć kankretny adkaz na hetaje pytańnie, kali, viadoma, jon dojdzie da adrasata. Juostas Paleckis pavinien pakazać karty, i heta cikava nie tolki mnie», — upeŭnienaja Natalla Pinčuk.
Vizit dakładčyka delehacyi Jeŭraparłamienta ŭ spravach Biełarusi Juostasa Paleckisa ŭ Minsk i jahonyja pieramovy ź biełaruskimi ŭładami padpali pad krytyku jak z boku apazicyi, tak i z boku svajakoŭ palitviaźniaŭ.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary