Padazravany ŭ ździajśnieńni teraktu na Bostanskim marafonie zabity ŭ chodzie pierastrełki ŭ horadzie Uotertaŭn pad Bostanam. Raniej paviedamlałasia, što jaho ŭziali pad vartu. Siabruk zabitaha pakul zastajecca na voli.
Pierastrełka ŭ Uotertaŭnie adbyłasia nieŭzabavie paśla zabojstva ŭ susiednim Kiembrydžy supracoŭnika palicyi, jaki patrulavaŭ terytoryju kampusa Masačuseckaha technałahičnaha instytuta (MIT). Paviedamlałasia, što jon sprabavaŭ zatrymać padazravanych.
Pra toje, što zatrymany ŭ Uotertaŭnie źviazany z teraktam u Bostanie, paviedamiła hazieta The Boston Globe sa spasyłkaj na krynicu ŭ pravaachoŭnych orhanach. U FBR hetyja źviestki nie paćvierdzili, ale i nie abvierhli.
Druhi ŭdzielnik pierastrełki, jakoha nieaficyjna taksama ličać datyčnym da vybuchaŭ,
zdoleŭ źbiehčy. Jaho pošuki viaducca albo ŭ Uotertaŭnie, albo ŭ raźmieščanym na zachad ad jaho Ńjutanie.
Nieŭzabavie paśla paviedamleńnia ab zatrymańni adnaho z padazravanych stała viadoma pra vyjaŭleńnie na miescy pierastrełki vybuchoŭki i chutkavarak. Bomby, jakija padarvalisia raniej u Bostanie, byli sabranyja mienavita z hetych kampanientaŭ.
U vyniku teraktu padčas Bostanskaha marafonu 15 krasavika zahinuli try čałavieki, u tym liku dzicia, ranieńni atrymali amal 200 čałaviek. FBR užo apublikavała fatahrafii mierkavanych terarystaŭ.
Kamientary