Biełaruś vypłaciła $ 82,4 młn. pa asnoŭnym doŭhu kredytu stend-baj MVF
«23 krasavika 2013 hoda Respublika Biełaruś u metach vykanańnia svaich abaviazacielstvaŭ pa kredycie stend-baj MVF ažyćciaviła čarhovaje pahašeńnie asnoŭnaha doŭhu ŭ pamiery 54,7 młn. SDR (ekvivalentna 82,4 młn. dołaraŭ ZŠA)», — havorycca ŭ paviedamleńni Ministerstva finansaŭ.
Heta šosty płaciež pa kredycie MVF z pačatku hetaha hoda. Tak, 14 studzienia Biełaruś vypłaciła 99 młn. dołaraŭ, 23 studzienia — 84,1 młn., 22 sakavika — 82,2 młn., 1 krasavika — 82 młn., 12 krasavika — 97,4 młn. dołaraŭ. U cełym u 2013 hodzie Biełaruś pavinna viarnuć MVF 1,63 młrd. dołaraŭ.
Jak vynikaje z hrafika płaciažoŭ, apublikavanaha na sajcie MVF, najbolšyja vypłaty ŭ 2013 hodzie prypaduć na krasavik, červień i kastryčnik — u hetyja miesiacy Biełaruś pavinna vypłacić pa 175 młn. SDR (kala 270 młn. dołaraŭ pa biahučym kursie).
Piać tranšaŭ kredytu ŭ ramkach prahramy stend-baj na 3,46 młrd. dołaraŭ Biełaruś atrymała ad MVF u 2009—2010 hadach.
Asnoŭny pik vypłat prypadaje na 2013—2014 hady, kali Biełarusi pryjdziecca viarnuć bolšuju častku pazyki.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary