Čaćviora aktyvistaŭ viciebskaj haradzkoj arhanizacyi KCHP‑BNF atrymali listy z pahrozami ad niezarehistravanaj arhanizacyi «Russkoje nacionalnoje jedinstvo».
Listy pryjšli ŭ minułuju piatnicu pa pošcie na chatnija adrasy viadomaha ŭ horadzie apazicyjaniera Barysa Chamajdy, a taksama jahonych kaleh Jana Dziaržaŭcava, Siarhieja Kavalenki i Jana Taŭpyhi. Cikava, što da kožnaha z adrasataŭ nieviadomyja źviartajucca jak da «Mirona».
«Tam tak i napisana: «Miron! Jeśli ty jeŝie raz vyviesiš v našiem horodie svoju bieło‑krasno‑biełuju triapku, my tiebia obiazatielno nakažiem», —cytuje B.Chamajda.
Pa jahonych słovach, listy napisany nie zvyčajnym počarkam, a drukavanymi litarami. Pry hetym na paštovych kanviertach — malunak, jaki nahadvaje, što sioleta adznačajecca 125‑hodździe z dnia naradžeńnia biełaruskaha paeta Janki Kupały. U hetym B.Chamajda taksama bačyć ździek nad nacyjanalnymi śviatyniami.
«Hetyja pahrozy, naturalna ž, nie spyniać Mirona, bo heta lehiendarnaja i niaŭłoŭnaja fihura. Heta narodny vobraz hieroja, jaki zmahajecca za niezaležnaść i svabodu svajoj Baćkaŭščyny. Tamu bieł‑čyrvona‑biełyja ściahi jak źjaŭlalisia, tak i buduć źjaŭlacca, i nie tolki ŭ Viciebsku, ale i ŭ inšych haradach Biełarusi», — ličyć B.Chamajda.
Pa jahonych słovach, źviartacca ŭ milicyju i prakuraturu źbirajecca tolki adzin z tych, chto atrymaŭ list, — Jan Dziaržaŭcaŭ. Astatnija ličać heta daremnaj strataj času. Nahadajem, što listy z pahrozami ad RNIE u rozny čas letaś atrymali redakcyja niezaležnaj haziety «Vitiebskij kuŕjer», staršynia haradskoj arhanizacyi AHP Alena Zaleskaja i zahadčyca litaraturnaj častkaj Nacyjanalnaha akademičnaha dramatyčnaha teatra imia Ja.Kołasa Viktoryja Daškievič. Va ŭsich vypadkach pradstaŭniki zakona na ichnija zajavy z nahody atrymańnia pahroz prysłali zvyčajnyja adpiski i nie znajšli tych, chto adpraŭlaŭ listy.
Što tyčycca bieł‑čyrvona‑biełych ściahaŭ, to ŭ Viciebsku heta ŭžo tradycyja. Pieryjadyčna, raz ci dva razy na miesiac, ich vyviešvajuć u roznych miescach horada, zvyčajna ciažkadasiahalnych. Jak praviła, heta zdarajecca napiaredadni nacyjanalnych śviataŭ i admietnych histaryčnych padziej. Pry hetym nieviadomy hieroj zaŭsiody pakidaje zanatoŭku z podpisam «Miron».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary