Palityčnyja viaźni, jakija ŭtrymlivajucca ŭ mienskim specpryjomniku-raźmierkavalniku na vulicy Akreścina, pieradali na volu zajavu, u jakoj vykazali staŭleńnie da padziejaŭ 25 sakavika. «Kryvavyja padziei 25 sakavika – heta śviedčańnie ahonii režymu Łukašenki. Heta demanstracyja niazdolnaści vyjhrać vybary pa praviłach cyvilizavanych krainaŭ. Adkaznaść za žyćcio i zdaroŭje paciarpiełych całkam lažyć na Łukašenku i jaho siłavych ministrach.
Prezydenckaja kampanija-2006 uvojdzie ŭ eŭrapejskuju historyju jak samaja cyničnaja, biessaromnaja i kryvavaja. Biełaruski režym nia tolki pajšoŭ na tatalnuju falsifikacyju vynikaŭ hałasavańnia, ale i na vykarystańnie zbroi.
My patrabujem terminovaj adstaŭki ministra ŭnutranych spravaŭ Navumava i staršyni KDB Sucharenki, a taksama ŭsich, chto addavaŭ zahady na ŭžyćcio specsrodkaŭ i zbroi», – havorycca ŭ dakumencie.
Jak paviedamili Radyjo Svaboda ŭ presavaj słužbie Abjadnanaj hramadzianskaj partyi, zajavu padpisali staršynia Nacyjanalnaha kamitetu abjadnanych demakratyčnych siłaŭ Anatol Labiedźka, namieśnik staršyni Abjadnanaj hramadzianskaj partyi Alaksandr Dabravolski, namieśnik staršyni Partyi BNF Alaksiej Janukievič, teatralny režyser Valery Mazynski, skulptar Aleś Šaternik i inšyja – usiaho 500 podpisaŭ.
Kamientary