Prajekt finansuje Mižnarodnaja finansavaja karparacyja (IFC). Na pieršym etapie planujecca ŭkłaści ŭ novaje pradpryjemstva $20 młn.
Novaje pradpryjemstva pa vypusku soku i napojaŭ z utrymańniem soku paŭstanie na bazie Babrujskaha kanservavaha zavodu, jakija na dadzieny momant prastojvaje. Dziela hetaha budzie zadziejničanaje najsučaśnaje abstalavańnie, a da pracy zaprosiać persanał zavodu. U planach vypusk pradukcyi kala 1 młn. hiektalitraŭ – 100 młn litraŭ – u hod. Heta trochi bolš za ahulny abjom spažytaha ŭ hod biełarusami soku i napojaŭ z utrymańniem soku. Prajekt praduhledžvaje ŭ perspektyvie vychad na zamiežnyja rynki. Pavodle słovaŭ staršyni rady dyrektaraŭ «Pivavarnaj kampanii «Siabar» Siarhieja Levina, abjom investycyjaŭ budzie raści. «Na vypusk piva našaja kampanija ad pačatku atrymała ad IFC $10 młn., a pa vynikach raźvićcia pradpryjemstva my zasvoili jašče $45 młn.» — raspavioŭ sp. Levin.
Dla vytvorčaści soku budzie vykarystoŭvacca pieravažna miascovaja syravina. Zapracuje prajekt da kanca hodu, a na sto adsotkaŭ — praz paŭhodu.
Dyrektar departamentu ahrabiznesu Mižnarodnaj finansavaj karparacyi Oskar Čamiarynski vysoka aceńvaje patencyjał budučaha pradpryjemstva pryvodzić u jakaści prykładu pośpiechi kampanii «Siabar» u pivavareńni: «Ciažka paraŭnać siońniašni brovar u Babrujsku z tym, što ja pabačyŭ u 2004 h.». Darečy, rod sp. Čamiarynski pachodzić z‑pad Bieraścia, a adzin z suuładalnikaŭ kampanii Detroit Investments, što źjaŭlajecca hałoŭnym investaram kampanii «Siabar», Jaŭhien Kašpier — z‑pad Babrujsku.
Biełaruś źjaŭlajecca čalcom IFC ad 1992 h. Z taho času karparacyja vyłučyła ŭ vyhladzie kredytaŭ $111,5 młn. Mižnarodnaja finansavaja karparacyja zajmajecca padtrymkaj pryvatnaha sektaru ekanomiki ŭ krainach ź pierachodnaj ekanomikaj.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary