Za 102 udary nažom: abvinavačanaha ŭ žorstkim zabojstvie studentki prysudzili da rasstrełu
U Homielskim abłasnym sudzie 14 červienia abvieščany prysud25-hadovamu chłopcu, abvinavačanamu ŭ žorstkim zabojstvie studentki Homielskaha ŭniviersiteta Natalli Jemialjančykavaj.
Sud pryznaŭ jaho vinavatym u zabojstvie z asablivaj žorstkaściu i prysudziŭ da rasstrełu. Prysud moža być abskardžany i apratestavany.
U apošnim słovie abvinavačany prasiŭ prabačeńnia ŭ maci zabitaj dziaŭčyny.
Dziaržabvinavačvańnie zapytała vyklučnuju mieru pakarańnia ŭ vyhladzie rasstrełu dla Alaksandra H.
Na sudovym pasiadžeńni ŭ kancy maja jon zrabiŭ zajavu, što jaho sužycielka taksama maje dačynieńnie da ździajśnieńnia zabojstva i źjaŭlajecca padbuchtorvalnicaj i pasobnicaj.Jon zajaviŭ, što jaho siabroŭka viedała pra zabojstva i navat dapamahała źniščać ślady złačynstva, u pryvatnaści myła vopratku, vykidała nož u voziera.
Dziaržaŭny abvinavaŭca adznačyŭ, što fakty, vykładzienyja ŭ zajavie abvinavačanaha ab roli jaho sužycielki ŭ zabojstvie, nie znajšli paćvierdžańnia, i jon zajaviŭ pra heta z pomsty, bo siabroŭka rasstałasia ź im.
U 2005 hodzie małady čałaviek byŭ prysudžany da pazbaŭleńnia voli na vosiem hadoŭ za naniasieńnie ciažkich cialesnych paškodžańniaŭ, jakija pryviali da śmierci: jon da śmierci źbiŭ sužyciela svajoj maci. Zabojstva studentki jon ździejśniŭ, prabyŭšy tolki hod na voli paśla adbyćcia pakarańnia.
Advakat abvinavačanaha, vystupajučy ŭ sprečkach, zajaviŭ, što pa spravie, akramia jaŭki z pakajańniem i pakazańniaŭ jaho padabaronnaha, niama abjektyŭnych i biassprečnych dokazaŭ.
Pa vynikach psichijatryčnaj ekśpiertyzy małady čałaviek pryznany adekvatnym, zaležnaści ad ałkaholu i narkotykaŭ u abvinavačanaha nie vyjaŭlena. Adnak jon pakutuje na źmiašanaje rasstrojstva asoby.
Trahiedyja adbyłasia ŭ noč z 19 na 20 vieraśnia minułaha hoda.Kala apoŭnačy Natalla Jemialjančykava viartałasia dadomu, kala padjezdu na jaje z nažom napaŭ mužčyna. Jak ustanaviła ekśpiertyza, paciarpiełaja pamierła ad vialikaj straty kryvi, joj byli naniesienyja 102 nažavyja ranieńni.
U sudzie abvinavačvany vinu pryznaŭ całkam. Jon paviedamiŭ, što prykładna ŭ19 vieraśnia jon jechaŭ razam z sužycielkaj i siabram u aŭtobusie i sustreŭ Natallu. Jon viedaŭ, dzie žyvie dziaŭčyna, tak jak byŭ znajomy ź jaje bratam. Abvinavačany vyjšaŭ z aŭtobusa za adzin prypynak ad doma, dzie žyła paciarpiełaja, i pabieh praz dvary. Jon dačakaŭsia dziaŭčynu la padjezda, a zatym nakinuŭsia na jaje z nažom.červieni-lipieni 2012 hoda znachodziŭsia ź Jemieljančykavaj u adnoj kampanii i jana abraziła jaho.
Vyniesieny Homielskim abłasnym sudom śmiarotny prysud — treci ŭ hetym hodzie ŭ Biełarusi.Anałahičnyja prysudy vyniesieny Mahiloŭskim i Hrodzienskim abłasnymi sudami.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary