7 lipienia raptoŭna pamior hukarežysior Uładzimir Sakulski. Apošnim časam jon pracavaŭ na «Radyjo Svaboda», a pierad hetym — na radyjostancyjach «Biełaruskaja maładziožnaja», «Radyjo 101,2», na radyjo «Racyja».
«Navina pra śmierć Uładzimira dla mianie byccam abuchom pa hałavie,— kaža siabar Uładzimira žurnalist Hienadź Kieśnier. — My paznajomilisia z Uładzimiram jašče ŭ 1992 h., kali ja pryjšoŭ pracavać na radyjo „Biełaruskaja maładziožnaja“.
Uładzimir byŭ adsalutnym prafiesijanałam i nievierahodnym žyćcialubam. U jaho było cudoŭnaje pačućcio humaru, a jašče jon nie ŭmieŭ nikomu admović, choć časam i rabiŭ vyhlad, što złujecca».
Kieśnier raskazaŭ, što pryčynaj śmierci stali daŭnija prablemy z sercam.
«Uładzimir kaliści pieranies infarkt, u dalejšym ŭ jaho raźvilisia askładnieńni. Nakolki ja viedaju, jon viartaŭsia ź siabrami ź lecišča, kali ŭ jaho adarvaŭsia tromb…— kaža Hiennadź. — Uładzimir vielmi ciažka pieražyvaŭ śmierć Jurasia Bušlakova. Vidać, hety stres „nakłaŭsia“ na staryja chvaroby.
Va Uładzimira jość starejšy brat, plamieńniki, ale žyŭ jon adzin. Zusim niadaŭna jon skončyŭ ramont u kvatery, jakuju vielmi lubiŭ. Hety ramont Uładzimir rabiŭ ciaham niekalkich hadoŭ. Taksama niadaŭna jon źjoździŭ u adpačynak u Turcyju. Viarnuŭsia adtul 5 červienia, u svoj dzień naradžeńnia. U toj dzień jamu spoŭniłasia 58 hadoŭ».
Kamientary