Hrupa hramadzian patrabuje spynić prapahandu pahroz hvałtu z boku Łukašenki
Dvanaccać žycharoŭ Mahilova nakiravali staršyni hramadskaj rady pa maralnaści Mikałaju Čarhincu, hienprakuroru Alaksandru Kaniuku i ministru infarmacyi Alehu Pralaskoŭskamu list, u jakim prosiać nie dapuskać publičnych pahroz hvałtu z boku kiraŭnika dziaržavy.
Inicyjataram zvarotu vystupiŭ miascovy aktyvist niezaležnaha prafsajuza radyjoelektronnaj pramysłovaści Alaksiej Paŭłoŭski.
Pahrozu hvałtu aŭtary lista ŭhledzieli ŭ vystupleńni Alaksandra Łukašenki padčas niadaŭniaha naviedvańnia im Mahiloŭskaj vobłaści. U siužecie, pakazanym pa biełaruskich centralnych telekanałach 8 lipienia, kiraŭnik dziaržavy, zakranajučy temu vytvorčaści kormaŭboračnaj techniki, zajaviŭ, što «źnimie hałavu» słužbovym asobam, kali vypuščanaja technika budzie niajakasnaj.
«Hety repartaž bačyli pa BT nie tolki darosłyja, ale i dzieci. I ŭ śviadomaści dziaciej, maładoha pakaleńnia, členaŭ BRSM pahrozy žudasnaj raspravy — „adarvać hałavu“ padparadkavanym ministram — z boku haranta pravoŭ i zakonnaści maładoj niezaležnaj dziaržavy asacyjujecca ź filmami žachaŭ», — havorycca ŭ liście.
Jaho aŭtary prosiać kiraŭnika hramadskaj rady pa maralnaści, jaki ź`iaŭlajecca staršynioj kamisii pa pravach čałavieka i ŚMI Pałaty pradstaŭnikoŭ, a taksama hienprakurora i ministra infarmacyi «nie dapuskać u ŚMI pakaz i publikacyju vykazvańniaŭ kiraŭnika dziaržavy, jakija mohuć niehatyŭna adbicca na psichicy dziaciej, a taksama dyskredytavać našu siniavokuju Biełaruś u vačach suśvietnaj supolnaści».
U liście havorycca pra nieabchodnaść abmierkavać takija vykazvańni na śpiecyjalnych słuchańniach u Pałacie pradstaŭnikoŭ, a taksama abaviazać prezidenta Biełarusi prynieści publičnyja prabačeńni ŭ ŚMI «źniavažanym ministram, dzieciam i telehledačam».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary