Pierad Dniom biełaruskaha piśmienstva «Źviazda» źmiaściła zdymak rabočaha, jaki mianiaje šyldy z nazvami vulic u Škłovie.
Pierad Dniom biełaruskaha piśmienstva «Źviazda» źmiaściła zdymak rabočaha, jaki mianiaje šyldy z nazvami vulic u Škłovie. Na adnoj ź ich udałosia pračytać «vuł. Janki Kupały». Nie viedaju, ci źjaŭlajecca hety zdymak plonam kamputarnaj hrafiki, ci na im adlustravana realnaść. Ja byŭ 21 i 22 lipienia ŭ Škłovie i bačyŭ šyldu, na jakoj napisana «uł. Janki Kupały».
Dy ja nie pra šyldu. Ja pra toje, što škłoŭskaje načalstva, atrymaŭšy ŭkazańnie adznačyć 125‑hadovy jubilej Kupały, pierastarałasia. Siońnia patelefanavaŭ mnie moj daŭni tavaryš, žychar Škłova, i paviedamiŭ radasnuju navinu: u horadzie ciapier dźvie vulicy nosiać imia Pieśniara. Adna vulica atrymała hetaje najmieńnie daŭno i znachodzicca na ŭskrainie horada. Druhaja ž vulica Kupały ŭ centry horada. (Darečy, pierad hetym jana nasiła imia słavutaha pietrahradskaha čekista Majsieja Uryckaha.)
Kamientary