U bližejšyja sutki, 8 žniŭnia, sinaptyčnaja situacyja istotna nie źmienicca. Čakajecca małavobłačnaje i śpiakotnaje nadvorje. Viecier nočču niaŭstojlivy słaby, dniom paŭdniovy ŭmierany. Tempieratura pavietra minimalnaja nočču ad +12ºC na paŭnočnym uschodzie da +21ºC na paŭdniovym zachadzie krainy,
maksimalnaja dniom +28 .. +34ºC, pa Bresckaj vobłaści miescami pavietra prahrejecca da +35°C.Atmaśfierny cisk nočču istotna nie źmienicca, dniom budzie słaba padać.
9 žniŭnia ŭmovy nadvorja krainy pa-raniejšamu budzie vyznačać pole pavyšanaha atmaśfiernaha cisku, sfarmavanaje ŭ vielmi ciopłaj pavietranaj masie. Pieravažna biez apadkaŭ, tolki dniom pa zachadzie projduć karotkačasovyja daždžy, prahrymiać navalnicy, pry navalnicach mocny paryvisty viecier.
Tempieratura pavietra nočču +16 .. +22°C, dniom +29 .. +35°C.
10 žniŭnia nočču zachodnija rajony, a dniom i centralnyja buduć znachodzicca pad upłyvam aktyŭnaha atmaśfiernaha frontu, jaki źmiaščajecca z Zachodniaj Jeŭropy, na astatniaj častcy krainy zachavajecca ŭpłyŭ pola pavyšanaha atmaśfiernaha cisku i vielmi ciopłych pavietranych mas.
Nočču pa zachadzie, dniom i ŭ centralnych rajonach čakajucca karotkačasovyja daždžy, navalnicy, miescami mocnyja zalevy.
U dzionnyja hadziny ŭ asobnych rajonach mahčymy hrad, pry navalnicach miescami škvalisty viecier.Tempieratura pavietra nočču +17 .. +22°C, dniom ad +20 .. +22°C na zachadzie da +32 .. +34°C na paŭdniovym uschodzie.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary