Prezident Ukrainy Uładzimir Zialenski paviedamiŭ, što Rustem Umieraŭ budzie pryznačany kiraŭnikom Słužby źniešniaj raźviedki Ukrainy. Da hetaha jon zajmaŭ pasadu sakratara Rady nacyjanalnaj biaśpieki i abarony.
Pa słovach Zialenskaha, na novaj pasadzie Umieraŭ praciahnie kaardynavać mižnarodnaje supracoŭnictva ŭ vajskovaj śfiery, u tym liku ŭ miežach prahramy Drone Deals. Hety farmat praduhledžvaje doŭhaterminovaje finansavańnie ŭkrainskaj abaronnaj pramysłovaści z boku krain-partnioraŭ, jakija ŭzamien atrymlivajuć dostup da sučasnych abaronnych raspracovak.
Jak adznačyŭ prezident, ciapier pahadnieńni ŭ ramkach Drone Deals užo zaklučanyja ź dzieviaćciu krainami, jašče ź piatnaccaćciu viaducca pieramovy.
Zialenski taksama paviedamiŭ, što Umieraŭ praciahnie zajmacca pieramovami sa Złučanymi Štatami i inšymi partniorami, a taksama budzie ŭdzielničać u pieramoŭnym pracesie, jaki datyčycca spynieńnia rasijska-ŭkrainskaj vajny. Pavodle jaho, pryznačeńnie na čale źniešniaj raźviedki daść Umieravu bolš mahčymaściaŭ dla pracy na styku dypłamatyi, biaśpieki i abarony.
Padčas znachodžańnia na pasadzie sakratara RNBA Umieraŭ užo ŭdzielničaŭ u pieramovach pamiž Ukrainaj, ZŠA i Rasijaj. U lipieni paviedamlałasia, što jon na praciahu dvuch dzion pravodziŭ sustrečy z Džaredam Kušnieram, ziaciem prezidenta ZŠA Donalda Trampa.
Novym sakratarom Rady nacyjanalnaj biaśpieki i abarony stanie Ihar Klimienka. Pavodle Zialenskaha, jahony vopyt pracy na čale Ministerstva ŭnutranych spraŭ i kaardynacyi dziejnaści orhanaŭ biaśpieki dapamoža ŭzmacnić uzajemadziejańnie RNBA z uradam, asabliva ŭ pytańniach ustojlivaści krainy va ŭmovach vajny.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
Jeść " u spravie mindič cukierman" kali zajmał pasadu ministra abarony
Samaja lepšaja kandydatura uznačalić słužbu źniešniaj raźviedki pad čas Vajny....
Da i Jermaku nado prodołžať, dieržať ucho vostro, a ruku na pulsie.