Prezident Litvy Dala Hrybaŭskajcie vykazała svaju pazicyju nakont prapanovy «Hazproma» Litvie. Na jaje dumku, hetu prapanovu naohuł nielha nazyvać pieramovami. Praŭda, detali prapanovy nie raskryvajucca.
«Ja aznajomiłasia z dakumientami, jakija prysłaŭ «Hazprom». I pra detali nie mahu kazać, bo jany pad hryfam «sakretna». Ale mahu acanić hetuju prapanovu. Tamu, ja liču, pieramovy nie iduć. Dla pieramovaŭ nieabchodna žadańnie damovicca z abodvuch bakoŭ», — skazała ŭ čaćvier žurnalistam Hrybaŭskajcie.
Pavodle jaje słoŭ, «Hazprom» pradjaviŭ nievykanalnyja patrabavańni.
«Toj materyjał, jaki ja siońnia atrymała ad «Hazproma», heta patrabavańni, śpis nievykanalnych patrabavańniaŭ uradu Litvy, navat vychodziać pa-za miežy kampietencyi ŭrada», — skazała prezident Litvy.
«Ja zaklikaju ŭrad u hetaj situacyi paskoryć budaŭnictva terminała zvadkavanaha pryrodnaha hazu i jak maha chutčej pasprabavać pamienšyć zaležnaść ad «Hazproma». Takaja maja acenka» , — zajaviła Hrybaŭskajcie.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie11
Kamientary