U Batsvanie zajavili pra masavuju viarboŭku svaich hramadzian na vajnu z Ukrainaj
Ułady paŭdniovaafrykanskaj dziaržavy Batsvana paviedamili pra rezkaje pavieličeńnie vypadkaŭ padmannaj viarboŭki hramadzian krainy dla ŭdziełu ŭ vajnie Rasii suprać Ukrainy. Pra heta zajaviła Ministerstva mižnarodnych adnosin respubliki, piša Bloomberg.
Pavodle infarmacyi viedamstva, ludziej zavablivajuć prapanovami pracaŭładkavańnia za miažoj, paśla čaho jany akazvajucca ŭciahnutymi ŭ vajennyja dziejańni. U ministerstvie adznačyli, što kolkaść paciarpiełych pavialičvajecca, a ad hramadzian, jakija ŭžo znachodziacca ŭ zonie bajavych dziejańniaŭ, pastupajuć paviedamleńni pra ciažkija i niebiaśpiečnyja ŭmovy.
U suviazi z hetym ułady zaklikali žycharoŭ Batsvany ŭvažliva praviarać prapanovy ab pracy za miažoj i nie daviarać sumnieŭnym pasiarednikam.
Batsvana stała nie pieršaj afrykanskaj krainaj, jakaja paviedamiła pra padobnyja schiemy viarboŭki. Raniej z anałahičnymi zajavami vystupali ŭłady Kienii i Paŭdniova-Afrykanskaj Respubliki.
Pavodle infarmacyi kienijskich śpiecsłužbaŭ, Rasija mahła zavierbavać bolš za tysiaču hramadzian Kienii. Paviedamlałasia, što mnohim ź ich abiacali pracu kiroŭcaŭ abo achoŭnikaŭ, a ŭ Rasiju jany pryjazdžali pa turystyčnych vizach praz trecija krainy.
U Paŭdniova-Afrykanskaj Respublicy pravaachoŭnyja orhany paviedamlali pra zatrymańnie padazravanych u arhanizacyi viarboŭki hramadzian dla słužby ŭ rasijskich uzbrojenych siłach.
Rasijskaje zakanadaŭstva dazvalaje zamiežnym hramadzianam zaklučać kantrakty ź Ministerstvam abarony ź listapada 2022 hoda, a asobam biez hramadzianstva — ź lipienia 2024 hoda.
Pavodle infarmacyi The Telegraph, usiaho da kanca 2025 hoda Rasija zavabiła na vajnu kala 18 tysiač hramadzian z 128 krain Afryki, Azii i Łacinskaj Amieryki, nie mienš za 3,3 tysiačy ź ich byli zabityja ŭ bajach. Vydańnie adznačała, što mnohija takija navabrancy hinuć u pieršyja 72 hadziny paśla adpraŭki na front praz adsutnaść naležnaj padrychtoŭki i razumieńnia taho, kudy jany trapili. Šerah dziaržaŭ, uklučajučy Niepał, Indyju, Šry-Łanku, Iardaniju i Kieniju, patrabavali ad Maskvy spynić rekrutynh i viarnuć ich hramadzian na radzimu.
Rasija sutyknułasia z vostrym deficytam pracoŭnaj siły i sałdat — CNN
Rasija skłała śpis krain, ź jakich nielha brać najmitaŭ na vajnu z Ukrainaj. Biełaruś u jaho nie ŭvajšła
«My prosta chočam dadomu». Paŭdniovaafrykaniec raskazaŭ, jak dačka eks-prezidenta Zumy padmanam zavierbavała jaho vajavać va Ukrainie na baku Rasii
Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?
Kamientary