Prysudam suda Čyhunačnaha rajona Homiela niepaŭnaletniaja była pryznana vinavataj va ŭčynieńni kradziažu i joj pryznačanyja prymusovyja miery vychavaŭčaha charaktaru ŭ vyhladzie źmiaščeńnia ŭ śpiecyjalnuju navučalna-vychavaŭčuju ŭstanovu (śpiecPTV) terminam na 2 hady. Vyrak nabyŭ zakonnuju moc.
Jak paviedamiła staršy pamočnik prakurora Čyhunačnaha rajona Homiela Vieranika Niekraševič, padletak u sakaviku 2013 hoda vykrała załatyja vyraby ŭ svajoj maci. Vyraby jana pradała, a hrošy patraciła na ŭłasnyja patreby.
«Stamiŭšysia zmahacca ź niekiravanaj dačkoj, maci źviarnułasia pa dapamohu da pravaachoŭnikaŭ. Pa hetym fakcie była raspačata kryminalnaja sprava.
U sudzie maci patłumačyła, što na praciahu apošniaha hoda jaje dačka pierastała prychodzić damoŭ načavać i naviedvać škołu, pastajanna naładžvała skandały», — skazała pamočnik prakurora.
Siamja była pastaŭlena na ŭlik u ISN i nieadnarazova razhladałasia na pasiadžeńniach kamisii. Dačka stała niekiravanaj i na prafiłaktyčnyja mierapryjemstvy nie reahavała.
U sudzie dačka prasiła maci daravać joj, abiacała vypravicca, a maci ŭprošvała sud pazbavić jaje ad dački i nakiravać jaje ŭ śpiecyjalnuju navučalna-vychavaŭčuju ŭstanovu.
Sudom było pryniata rašeńnie adkłaści razbor pa spravie, adnak na nastupnaje sudovaje pasiadžeńnie niepaŭnaletniaja nie źjaviłasia.
Pavodle słoŭ maci, paśla sudovaha pasiadžeńnia dačka adpomściła maci, razhramiŭšy kvateru (raźbiła šyby, paškodziła dźviery, raźbiła słoiki z kansiervavanymi praduktami), paśla čaho, sabraŭšy svaje rečy, plunuła maci ŭ tvar i syšła.
Sudom byŭ abjaŭleny pryvod niepaŭnaletniaj. U chodzie sudovaha śledstva niepaŭnaletniaja znoŭ maliła daravać. Pa pryhavory suda 2 hady jana praviadzie ŭ śpiecPTV.
-
Mužčyna kupiŭ pravy ŭ internecie i praz 10 hadoŭ pryjšoŭ mianiać ich u DAI
-
DAI skazała, što rabić z avaryjami, jakija ŭsio čaściej učyniajuć kiroŭcy starejšyja za 70 hadoŭ
-
U Minsku mužčyna padyšoŭ da aŭtamabila, kab padkazać, što ŭklučana dalokaje śviatło. Jamu zalili tvar piarcovym bałončykam VIDEA
Kamientary