U «Minskvodakanale» paviedamili, što pitnaja vada va ŭsich dzieviaci rajonach stalicy poŭnaściu adpaviadaje patrabavańniam jakaści i biaśpieki, piša ahienctva «Minsk-Naviny».
Pa słovach kiraŭnika pradpryjemstva Fiodara Rymašeŭskaha, kantrol jakaści robicca bieśpierapynna. Dla hetaha pracujuć dźvie akredytavanyja łabaratoryi, a taksama technałahičnyja łabaratoryi na vodazaborach. Vadu praviarajuć bolš jak pa 60 pakazčykach, u tym liku mikrabijałahičnych, chimičnych i radyjałahičnych.
Jon adznačyŭ, što nievialikaja kolkaść nakipu ŭ čajniku źjaŭlajecca narmalnaj źjavaj i śviedčyć pra najaŭnaść u vadzie nieabchodnych dla arhanizma minierałaŭ i solaŭ. Tamu peŭny ŭzrovień ćviordaści vady ličycca nie tolki dapuščalnym, ale i karysnym.
U roznych rajonach Minska ćviordaść vady moža niaznačna adroźnivacca ŭ zaležnaści ad krynicy vodazabieśpiačeńnia. Naprykład, u Kurasoŭščynie hety pakazčyk krychu vyšejšy za piać hradusaŭ, a ŭ Zavodskim rajonie składaje kala čatyroch hradusaŭ. Pry hetym usie značeńni znachodziacca ŭ miežach ustanoŭlenaj normy.
Infarmacyju pra jakaść i ćviordaść vady pa kankretnym adrasie žychary mohuć atrymać na sajcie «Minskvodakanała». Hetyja źviestki mohuć być karysnymi pry naładžvańni pralnych, posudamyjnych i kavavych mašyn.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
Pieraviali paśla skandału z zabrudžanaj vadoju ŭ vodapravodzie ŭ 2020-m. Darečy, i prykład, nakolki treba daviarać spravazdačam čynoŭnikaŭ, u tym liku vodakanała.
Kalanaść (abo žorstkaść, nie ćviordaść) vady, pa subjektyŭnych vodhukach u niekatorych rajonach horadu pahoršyłasia. Abjektyŭnych vymiareńniaŭ nie maju, tolki vodhuki pa ŭskosnych nazirańniach: nakipu stała bolš i t.p.
Tearetyčna moža być, kali artezijanskija śvidraviny vyčerpvajucca abo dasiahajuć inšaha słoju vady ź inšymi jakaściami.