Kraina treci hod zapar zajmaje pieršaje miesca ŭ rejtynhu.
Jana stała lidaram adrazu ŭ dźviuch katehoryjach — «Praca za miažoj» i «Asabistyja finansy», piša Bi-bi-si.
87% ekspataŭ (ludziej, jakija pierajechali ŭ Panamu), kažuć, što zadavolenyja žyćciom u krainie. Dla paraŭnańnia, u siarednim pa śviecie tak adkazvajuć 70% apytanych.
Jašče adzin pakazčyk, pa jakim Panama apiaredžvaje mnohija inšyja krainy, — dastupnaść žylla: 90% apytanych kažuć, što znajści jaho tut lohka.
Aryel Baryjonueva pierajechaŭ z Arhienciny na karybskaje ŭźbiarežža Panamy vosiem hadoŭ tamu. Nieŭzabavie jon zaŭvažyŭ, što staŭ lepš spać, pračynacca adpačyłym i ŭ cełym pačuvacca lepš.
Spačatku jon dumaŭ, što heta prosta efiekt adpačynku, ale z časam zrazumieŭ: sprava ŭ samim miescy.
«Tut žyvuć va ŭłasnym rytmie», — raspaviadaje Aryel.
Ciapier jon kiruje hatelem La Coralina Island House na vostravie Kałon.
Kožny dzień jon hulaje kala akijana abo ŭ trapičnym sadzie i słuchaje śpievy ptušak.
«Heta prosty rytuał, ale jon nahadvaje mnie, čamu ja vybraŭ žyćcio mienavita tut», — kaža Aryel.
Pavodle jaho słoŭ, žyć u Panamie tańniej, čym u Arhiencinie. Jon taksama cenić stabilnuju ekanomiku krainy — dziakujučy hetamu jamu praściej płanavać budučyniu i vieści biźnies.
Reza Motalebpur pierajechała ŭ Panama-Sici z Kanady.
Pavodle jaje słoŭ, pracavać dystancyjna tut nieskładana: dobry internet jość i doma, i ŭ kavorkinhach. Bankaŭskimi pasłuhami jana taksama karystajecca biez prablem. Asabliva zručna, što ŭ krainie možna raźličvacca dołarami.
Spačatku ceny mohuć zdacca kanadcam vysokimi praz kurs valut, adznačaje jana.
Ale kamunalnyja pasłuhi, strachavańnie i padatki na nieruchomaść tut adnosna nievysokija, tamu ŭ cełym vydatki na žyćcio całkam apraŭdanyja.
Viadoma, jość i svaje minusy. Aryel Baryjonueva zhadvaje zatrymki z dastaŭkami i nadvorje, jakoje na vostravie moža ŭ luby momant źmianić usie płany.
Ale jon nie škaduje, što abraŭ bolš spakojny rytm žyćcia. Naadvarot, raić pasprabavać jaho i turystam, i tym, chto zadumvajecca pra pierajezd.
Siarod miescaŭ, jakija jon raić naviedać, — plaž Błaf. Jašče jon prapanuje kupić śviežyja sadavinu ŭ prydarožnaha pradaŭca, a potym pravieści dzień, nazirajučy za siorfinhistami na plažy Paunč.
«Ja pryjechaŭ, dumajučy, što pierajazdžaju ŭ pryhožaje miesca. Ale ciapier razumieju, što nasamreč vybraŭ inšy sposab žyćcia — dzie čas važniejšy za chutkaść, uražańni važniejšyja za rečy, a znosiny ź ludźmi — za pastajannuju zaniataść».
Mižnarodnaja arhanizacyja InterNations apytała tysiačy ludziej, jakija žyvuć u roznych krainach, i skłała rejtynh z 31 krainy — ad Panamy i Mieksiki da Sinhapura i Luksiemburha.
Ich aceńvali pavodle jakaści žyćcia, lohkaści adaptacyi, mahčymaściaŭ dla pracy, asabistych finansaŭ, dastupnaści žylla i inšych važnych dla paŭsiadzionnaha žyćcia kryteryjaŭ.
Top-10 krain u 2026 hodzie: Panama, Mieksika, Tajłand, AAE, Brazilija, Ispanija, Sinhapur, Partuhalija, Małajzija, Luksiemburh.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary
A vot eto spornyj arhumient:" dostupnosť žilja: 90% oprošiennych hovoriat, čto najti jeho zdieś lehko." Žilje najti lehko v 2 słučajach: dieprieśsivnyj rajon, ono nikomu nie nužno i pustujet (naprimier, byvšije vojennyje horodki v Pribałtikie), libo cieny zadrany tak, čto pustujut iz-za cienovoj niedostupnosti dla miestnych. No ty kak ekspat prijechavšij rabotať na chorošuju dołžnosť, možieš siebie eto pozvoliť