Paviedamleńnie pra spynieńnie licenzii na vydavieckuju dziejnaść indyvidualny pradprymalnik Ihar Łohvinaŭ atrymaŭ 23 vieraśnia. Dakumient padpisała pieršaja namieśnica ministra infarmacyi Lilija Ananič
Siarod ich — pradstaŭniki Mižnarodnaj fiederacyi žurnalistaŭ, Prafsajuza žurnalistaŭ Azierbajdžana, Sajuza žurnalistaŭ Armienii, Niezaležnaj Asacyjacyi žurnalistaŭ Hruzii, Sajuza žurnalistaŭ Małdovy, Sajuza žurnalistaŭ Rasii, Fonda abarony hałosnaści (Rasija), Niezaležnaha miedyja-prafsojuza Ukrainy. Usie jany ŭdzielničali ŭ sustrečy «Za biaśpieku, pravy i niezaležnyja standarty dla žurnalistaŭ postsavieckaj prastory» ŭ Kišyniovie.
«My ŭstryvožanyja navinoj ab pazbaŭleńni licenzii na vydavieckuju dziejnaść biełaruskaha vydaŭca Ihara Łohvinava, — havorycca ŭ zvarocie. – U jakaści pryčyny Ministerstva infarmacyi spasyłajecca na rašeńnie suda Ašmianskaha rajona Hrodzienskaj vobłaści ad 18 krasaviku 2013 hoda ab pryznańni ekstremisckimi materyjałami alboma «Pres-fota Biełarusi 2011», vypuščanaha vydaviectvam.
Miž tym, sam fakt pryznańnia fotaalboma ekstremisckimi materyjałami vyklikaŭ rezka niehatyŭnuju reakcyju mižnarodnaj hramadskaści. Abvinavačańnie mastackaha alboma, u jakim sabranyja vyniki konkursu pres-fota, u skažeńni rečaisnaści vyhladaje prosta niedarečna. I hetak ža vyhladajuć orhany ŭłady krainy, datyčnyja da pryznańnia fotaalboma «ekstremisckimi materyjałami».
Zakanadaŭstva ab supraćdziejańni ekstremizmu pavinna być nakiravana na praduchileńnie surjoznych złačynstvaŭ suprać dziaržavy i čałaviectva, a nie być instrumientam cenzury.
Vydaviectva « Łohvinaŭ» źjaŭlajecca adnym z fłahmanaŭ u spravie vydańnia biełaruskaj litaratury. Ličym, što pazbaŭleńnie vydaviectva licenzii naniasie vializnyja straty jak kultury Biełarusi, tak i imidžu krainy.
Zaklikajem Ministerstva infarmacyi nieadkładna pierahledzieć svajo rašeńnie».
List, padpisany ŭ Kišyniovie 6 kastryčnika, budzie nakiravany ŭ Mininfarmacyi najbližejšym časam Sajuzam žurnalistaŭ Małdovy.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary