Delehacyja Biełarusi voźmie ŭdzieł u pasiadžeńni kiraŭnikoŭ Mižnarodnaha valutnaha fondu i Suśvietnaha banka, jakoje projdzie 11—13 kastryčnika ŭ Vašynhtonie.
Jak paviedamlaje sajt Ministerstva ekanomiki, u skład delehacyi ŭklučany ministr ekanomiki — namieśnik kiraŭnika ad Respubliki Biełaruś hrupaj Suśvietnaha banka Mikałaj Snapkoŭ, ministr finansaŭ Andrej Charkaviec, namieśnik staršyni praŭleńnia Nacbanka Siarhiej Kalečyc i inšyja aficyjnyja asoby.
«Padčas mierapryjemstvaŭ buduć abmiarkoŭvacca pytańni, što adnosiacca da kampietencyi savietaŭ kiraŭnikoŭ: asnoŭnyja vyniki dziejnaści MVF i Suśvietnaha banka, stratehii pracy hetych mižnarodnych arhanizacyj, a taksama šerah administracyjnych pytańniaŭ, što tyčacca funkcyjanavańnia Fondu i Banka», — zaznačajecca ŭ pres-relizie.
Padčas pasiadžeńnia projduć sustrečy i kansultacyi z kiraŭnictvam MVF i SB «pa šyrokim kole pytańniaŭ», paviedamlaje Minekanomiki. U pryvatnaści, budzie abmiarkoŭvacca chod realizacyi Stratehii partniorstva hrupy Suśvietnaha banka ź Biełaruśsiu i Stratehii Jeŭrapiejskaha banka rekanstrukcyi i raźvićcia dla Respubliki Biełaruś.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary