U bližejšyja sutki, 12 listapada, u mnohich rajonach umovy nadvorja praciahnie farmavać vobłaść pavyšanaha atmaśfiernaha cisku.
Čakajecca vobłačnaje z prajaśnieńniami nadvorje. Pieravažna biez apadkaŭ, tolki pa Homielskaj vobłaści miescami nievialikija daždžy. Nočču i ranicaj na bolšaj častcy terytoryi — tuman. Z-za vialikaj kolkaści vilhaci i pry admoŭnych tempieraturach unačy i ranicaj miescami słaby hałalod. Viecier niaŭstojlivy słaby. Tempieratura pavietra minimalnaja nočču -2.. +4°S, pa paŭdniovym uschodzie +5.. +7°S, maksimalnaja dniom +3.. 9°S.
13 listapada nočču istotnych apadkaŭ nie čakajecca. Adnak užo ranicaj z poŭdnia Bałtyjskaha mora padydzie čarhovy atmaśfierny front, u vyniku ranicaj i dniom u mnohich rajonach našaj krainy projduć karotkačasovyja daždžy. U načnyja i ranišnija hadziny miescami zhuścicca tuman, dzie-nidzie słaby hałalod.
Tempieratura pavietra ŭnačy -3.. +3°S, dniom +2.. +8°S.
U noč na čaćvier 14 listapada, na bolšaj častcy terytoryi krainy jašče zachavajecca ŭpłyŭ frantalnaha raździełu, tamu ŭ centralnych i ŭschodnich rajonach projduć karotkačasovyja daždžy, pa paŭnočnym uschodzie mahčymy mokry śnieh.
Dniom istotnyja apadki małavierahodnyja. Unačy i ranicaj mahčymy tuman i słaby hałalod.
Tempieratura pavietra minimalnaja nočču -3.. +3°S, maksimalnaja dniom +2.. +7°S.
Kamientary