U Bresckim Muziei vyratavanych kaštoŭnaściaŭ (vulica Lenina, 39) pracuje vystava tvoraŭ Niny Maciaš «Paezija ptušynych piorak…».
Paetesa i pierakładčyca Nina Maciaš doŭhija hady była prykavanaja da invalidnaha vazku. Uvieś hety čas aktyŭna zajmałasia tvorčaściu. U tym liku zachaplałasia fłarystykaj. Ale viek tvoraŭ z kvietak byŭ niadoŭhi: jany chutka blakli.
U niejki momant Maciaš źviarnuła ŭvahu na jarkaha pieŭnia. Paśla čaho vyrašyła vykarystać farby ptušanych piorak dla svajoj tvorčaści.
U Biełaaziorsku, na svajoj radzimie, paetesa navat ličyłasia pačynalnicaj takoha nakirunku jak «piorkahrafika».
Asobnyja tvory paetesa pakidała ŭ siamiejnym archivie. Niekatoryja daryła. A časam navat vykarystoŭvała ich u jakaści ilustracyj (tak była aformlena kniha «Pory hodu» - pierakłady ź bielhijskaj paezii).
Bolš za sotniu tvoraŭ Maciaš buduć pradstaŭleny na vystavie kala tydnia.
Kamientary