Čarha achvotnych spłacić vadakanału "škodu" ad namiotavaha miastečka praciahnułasia da dźviarej paštamtu
Paviedamlaje Radyjo Svaboda.
Siońnia na hałoŭpaštamcie Miensku adbyŭsia moładzievaja akcyja, hetak zvany fłeš-mob. Ź miesca padziei pieradaje naša karespandentka
Ja znachodžusia ŭ samym centry hałoŭpaštamtu. Tut sabrałasia kala sotni ŭdzielnikaŭ akcyi. Vidovišča ŭražvaje. Była amal što pustaja zala. I raptam kala sta čałaviek stvaryli vielizarnuju čarhu i pačali zapaŭniać kvitki. Jany patłumačyli Svabodzie, što adčuvajuć hramadzianski abaviazak zapłacić Mienharvodakanału.
Niadaŭna na presavaj kanferencyi pradstaŭniki kamunalnych słužbaŭ paviedamili z teleekranaŭ, što ŭdzielniki akcyjaŭ na Kastryčnickaj płoščy nanieśli istotnuju materyjalnuju škodu horadu. I voś studenty stvaryli takuju vielizarnuju čarhu i kožny płacić, chto 500 rubloŭ, chto 100 rubloŭ, chto tysiaču. Da ich padychodzili supracoŭniki paštamtu, jany vyśviatlali , što zdaryłasia, čamu takaja vielizarnaja čarha naprykancy pracoŭnaha dnia. Siudy pryjšli ŭžo i bajcy specnazu ŭ cyvilnym , a taksama kiraŭnictva haradzkoj milicyi. Jany tut siadzieli u razhublenaści, bo niama nijakich padstavaŭ zatrymlivać junakoŭ.
Padčas fłeš-mobu achoŭniki paštamtu na karotki čas zatrymali milicejskaha specaperatara , jaki admoviŭsia pakazać im svajo paśviedčańnie. Hety fakt vyklikaŭ vialikaje niezadavalnieńnie milicejskaha načalstva, jakoje tut taksama prysutničała.
***************
Ciaham apošniaha tydnia moładź u Miensku prała ŭ taziku rasiejski ściah, u vyniku čaho jon pieratvaraŭsia ŭ ściah SSSR ź siarpom i mołatam, viartała łapšu Biełaruskamu telebačańniu, kidajučy varanyja makarony ŭ skryniu z nadpisam BT, advaročvałasia padčas navinaŭ ad vialikaha ekranu na Kastryčnickim placy ŭ navušnikach i z zaviazanymi vačyma pad vokličy “Nia vierym”, a taksama pratykała ihołkami dziasiatki nadzimanych balonikaŭ sa słovami “Sajuznaja dziaržava – pšyk!”
Apovied vidavočcy ŭ Žyvym žurnale
Kamientary