Novyja vydańni, dasłanyja ŭ redakcyju.
Kuferak Vilenščyny. № 1 (12). 2007. — 200 s.
12-ty numar «Kuferku», jaki hod vydajecca maładziečanskim krajaznaŭcam Michasiom Kazłoŭskim, pryśviečany asobie hramadzkaha dziejača, adnaho z kiraŭnikoŭ BSRH Symona Rak‑Michajłoŭskaha.
Na hetuju temu – artykuł historyka Alesia Paškieviča «Symon Rak‑Michajłoŭski: staronki žyćcia i dziejnaści». Drukujecca taksama «Turemny dziońnik» dziejača zachodniebiełaruskaha ruchu padčas jahonaha znachodžańnia ŭ polskaj turmie ŭ 1927 h. Aŭtar dziońnika, miž inšym, imknuŭsia nie zanatoŭvać tudy infarmacyju, jakaja mahła b zaškodzić paplečnikam pa Hramadzie — i aryštavanym, i što zastalisia na voli.
Krajaznaviec sa Słonimu Siarhiej Čyhryn vydrukavaŭ artykuł jašče pra adnaho hramadoŭca — Maksima Bursieviča.
U «Kuferku» drukujecca taksama listavańnie Michasia Kazłoŭskaha z Łarysaj Hienijuš, praciah uspaminaŭ Franca Śvito pra miastečka Kryvičy na Miadzielščynie dy šerah inšych cikavych rečaŭ.
* * *
Biełaruski kalandar‑daviednik na kožny dzień. Vilnia, Gudas, 2007. — 182 c. / Układalnik Uładzimier Chilmanovič.
U kalandar składzieny haradzienskim žurnalistam i historykam Uładzimieram Chilmanovičam uvajšli najbolš važnyja daty ź biełaruskaj historyi.
«Biezumoŭna, vybar dataŭ i piersanalij maje ŭ značnaj stupieni subjektyŭny charaktar. Hałoŭny kryteryjem adboru asobaŭ słužyła prynaležnaść da biełaruskaha ruchu ŭ roznych jaho prajaŭleńniach (udzieł u nacyjanalna‑vyzvalenčych paŭstańniach, padpolnych ruchach, palityčnych, hramadskich, relihijnych, kulturnych arhanizacyjach, aśvietnickaja, dušpastyrskaja, navukovaja, piśmieńnickaja, publicystyčnaja dziejnaść, spartyŭnyja dasiahnieńni. … Što datyčyć padziei, to jany adbiralisia pavodle ahulnanacyjanalnaj histaryčnaj značnaści», ‑‑ napisaŭ u pradmovie U.Chilmanovič.
Na kožny dzień prychodzicca ad troch da dziasiatka padziej. Prykładam, 13 kastryčnika naradzilisia Edvard Vajniłovič (u 1847 h.), śviatar Balasłaŭ Pačopka (1884), Jazep Drazdovič (1888), mastactvaznaviec Mikoła Ščakacichin (1896).
***
Šukajcie vydańni ŭ niezaležnych raspaŭsiudnikaŭ, napr. na www.knihi.net
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary