Jeŭramajdan i apazicyjnyja lidary pavinny admiežavacca ad radykalnych elemientaŭ. Takoje mierkavańnie vykazaŭ jeŭrapiejski kamisar pa pytańniach pašyreńnia i Jeŭrapiejskaj palityki susiedstva Štefan Fiule ŭ sieradu ŭ Strasburhu, vystupajučy ŭ Jeŭrapiejskim parłamiencie ŭ chodzie dyskusii pa situacyi va Ukrainie.
«Patrebna surjoznaja ŭciahnutaść ŭdziełu abodvuch bakoŭ, kab znajści vychad ź ciapierašniaha palityčnaha kryzisu. Heta adziny sposab paźbiehnuć zamknionaha koła ŭzajemnych abvinavačvańniaŭ», — miarkuje Fiule.
«Apazicyja i mitynhoŭcy pavinny admiežavacca ad radykalnych elemientaŭ — vyzvaleńnie zaniatych Ministerstva justycyi 27 studzienia i Ministerstva sielskaj haspadarki 29 studzienia źjaŭlajecca tolki adnym prykładam adkaznych adnosin ź ich boku», — miarkuje jon.
Jeŭrakamisar adznačyŭ, što ŭłada adkazvaje za abaronu svabody słova, schodaŭ i ŚMI.
«Da hetaha času ŭ hetym kirunku było zroblena zanadta mała: mirnyja demanstranty praciahvajuć znachodzicca pad vartaj, nieviadomyja złačyncy, jakija ažyćciaŭlajuć vykradańni i katavańni, zastajucca biespakaranymi», — padkreśliŭ jon.
Fiule vystupaje za prapanavany Radaj Jeŭropy nieadkładny pačatak pracy kansultatyŭnaj śledčaj hrupy. Na jaho dumku, heta budzie «krok napierad, kab vyrašyć prablemu ciapierašniaj atmaśfiery biespakaranaści».
«Źnižeńnie napružańnia i stabilizacyja situacyi zaraz źjaŭlajecca hałoŭnym pryjarytetam», — miarkuje jon.
Fiule taksama zajaviŭ, što maje namier naviedać Ukrainu na nastupnym tydni.
Zachop budynkaŭ troch dziaržustanoŭ — ministerstvaŭ justycyi, enierhietyki i ahrarnaj palityki — inicyjavała «Ahulnaja sprava», jakuju ŭznačalvaje Alaksandr Daniluk. Lidary apazicyjnych frakcyj i častka arhanizacyj, jakija pratestavali na Majdanie, byli nie zhodnyja z hetymi dziejańniami.
Pradstaŭniki ŭłady patrabavali, pierš za ŭsio, vyzvaleńnie adminbudynkaŭ prysutnymi. Zachopy ministerstvaŭ, razam z zachopami abłasnych dziaržadministracyi, aburyli ŭładu.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary