Еўрамайдан і апазіцыйныя лідары павінны адмежавацца ад радыкальных элементаў. Такое меркаванне выказаў еўрапейскі камісар па пытаннях пашырэння і Еўрапейскай палітыкі суседства Штэфан Фюле ў сераду ў Страсбургу, выступаючы ў Еўрапейскім парламенце ў ходзе дыскусіі па сітуацыі ва Украіне.
«Патрэбна сур'ёзная ўцягнутасць ўдзелу абодвух бакоў, каб знайсці выхад з цяперашняга палітычнага крызісу. Гэта адзіны спосаб пазбегнуць замкнёнага кола ўзаемных абвінавачванняў», — мяркуе Фюле.
«Апазіцыя і мітынгоўцы павінны адмежавацца ад радыкальных элементаў — вызваленне занятых Міністэрства юстыцыі 27 студзеня і Міністэрства сельскай гаспадаркі 29 студзеня з'яўляецца толькі адным прыкладам адказных адносін з іх боку», — мяркуе ён.
Еўракамісар адзначыў, што ўлада адказвае за абарону свабоды слова, сходаў і СМІ.
«Да гэтага часу ў гэтым кірунку было зроблена занадта мала: мірныя дэманстранты працягваюць знаходзіцца пад вартай, невядомыя злачынцы, якія ажыццяўляюць выкраданні і катаванні, застаюцца беспакаранымі», — падкрэсліў ён.
Фюле выступае за прапанаваны Радай Еўропы неадкладны пачатак працы кансультатыўнай следчай групы. На яго думку, гэта будзе «крок наперад, каб вырашыць праблему цяперашняй атмасферы беспакаранасці».
«Зніжэнне напружання і стабілізацыя сітуацыі зараз з'яўляецца галоўным прыярытэтам», — мяркуе ён.
Фюле таксама заявіў, што мае намер наведаць Украіну на наступным тыдні.
Захоп будынкаў трох дзяржустаноў — міністэрстваў юстыцыі, энергетыкі і аграрнай палітыкі — ініцыявала «Агульная справа», якую ўзначальвае Аляксандр Данілюк. Лідары апазіцыйных фракцый і частка арганізацый, якія пратэставалі на Майдане, былі не згодныя з гэтымі дзеяннямі.
Прадстаўнікі ўлады патрабавалі, перш за ўсё, вызваленне адмінбудынкаў прысутнымі. Захопы міністэрстваў, разам з захопамі абласных дзяржадміністрацыі, абурылі ўладу.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы69
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары