Pa infarmacyi HUUS Minharvykankama, unačy 5 sakavika na zdymnaj kvatery raniej zatrymanaha mieniedžara na vulicy Knoryna znajšli bolš za 300000 «marak» (ich košt siahaje 30 miljardaŭ rubloŭ — bolš za 3 miljony dalaraŭ) i 100 hramaŭ reahientu dla ich vyrabu. A ŭ haražy mužčyny vyjavili narkałabaratoryju, dzie znachodzilisia 60 kiłahramaŭ asnovy dla spajsaŭ, 100 hramaŭ reahientaŭ i 5 kiłahramaŭ hatovych spajsaŭ.
Nahadajem, u Minsku byŭ zatrymany 37-hadovy mieniedžar fiermierskaj haspadarki ź Minskaj vobłaści, jaki byŭ pad narkatoj. Pry im znajšli dva šprycy z ekstrakcyjnym opijem, bolš za 250 hramaŭ miksaŭ dla paleńnia i paŭkiło psichatropu dla vytvorčaści spajsaŭ, 100 «marak». A ŭ jahonym schoviščy pad mostam na raźviazcy praśpiektaŭ Dziaržynskaha i Žukava kanfiskavali 2 miljony «marak» i 13 kiłahramaŭ paraška, ź jakoha mahło atrymacca 2 tony spajsaŭ.
Kali b narkadyler realizavaŭ uvieś tavar, atrymaŭ kala 600 miljardaŭ rubloŭ — bolš za 60 miljonaŭ dalaraŭ.
«Marka» — heta kavałačak papiery, zmočany ŭ narkotyku. Spajsy — heta sintetyčnyja sumiesi dla paleńnia (trava, na jakuju naniesieny narkotyk). Jany nadta papularnyja ŭ moładzi. Časta ich užyvańnie zakančvajecca śmierciu albo mocnymi psichozami.
Łukašenka choča, kab kiraŭniki rajvykankamaŭ pryznačali i dyrektaraŭ pryvatnych struktur13
Kamientary