Pad mostam u Minsku milicyja znajšła narkaschovišča na 70 miljonaŭ dalaraŭ
Miarkujecca, što zatrymany klučavy narkadyler stalicy.
Jak paviedamili ŭ HUUS Minharvykankama, zatrymany 37-hadovy mieniedžar fiermierskaj haspadarki ź Minskaj vobłaści. A pry im — vialikaja partyja narkotykaŭ.
Zatrymali mužčynu faktyčna vypadkova. Inśpiektar DAI vyrašyŭ pravieryć kiroŭcu «Miersedesa», jaki byŭ pryparkavana na tratuary na vulicy Vaniejeva ŭ stalicy. Stan mužčyny vyklikaŭ peŭnyja pieraściarohi — jaho nakiravali na miedahlad. Akazałasia, što jon byŭ pad narkatoj.
Narkotyki akazalisia i ŭ jaho mašynie: dva šprycy z ekstrakcyjnym opijem, bolš za 250 hramaŭ miksaŭ dla paleńnia i paŭkiło psichatropu dla vytvorčaści spajsaŭ, 100 «marak».
Zatrymany mieniedžar źjaŭlajecca narkamanam sa stažam, raniej sudzimy.
Paśla zatrymańnia apieratyŭniki znajšli schovišča narkadylera. Jano znachodziłasia pad mostam na raźviazcy praśpiektaŭ Dziaržynskaha i Žukava. Tam kanfiskavany 2 miljony «marak» i 13 kiłahramaŭ paraška, ź jakoha mahło atrymacca 2 tony spajsaŭ.
Hram spajsa kaštuje kala 20 dalaraŭ. Atrymlivajecca, što tolki za sumiesi dla paleńnia narkadyler moh atrymać kala 40 miljonaŭ dalaraŭ. A ŭsie całkam narkotyki ciahnuć na 70 miljonaŭ.
Miarkujecca, što mieniedžar źjaŭlajecca adnym z klučavych pastaŭščykoŭ psichatropaŭ u Minsk.
Zaviedziena kryminalnaja sprava za niezakonny zvarot narkotykaŭ.
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach10
Kamientary