Biełaruskija vajskoŭcy prachodziać instruktaž u Maskvie
Praces pašyreńnia NATO, płany razhortvańnia PRA i abvastreńnie situacyi na Blizkim Uschodzie "paćviardžajuć nieabchodnaść ciesnaj kaardynacyi našych dziejańniaŭ jak u vajenna-palityčnaj, tak i ŭ vajennaj halinach". Pra heta, jak pieradaje ITAR-TASS, zajaviŭ ministr abarony RF Anatol Sierdziukoŭ, adkryvajučy 23 kastryčnika ŭ Maskvie pasiadžeńnie sumiesnaj kalehii ministerstvaŭ abarony Rasii i Biełarusi.
A.Sierdziukoŭ adznačyŭ aktyŭnuju pracu ŭ hetym kirunku abaronnych viedamstvaŭ dźviuch krain, jakaja budujecca na asnovie pałažeńniaŭ Prahramy dziejańniaŭ Rasii i Biełarusi pa realizacyi dahavora ab stvareńni sajuznaj dziaržavy. Praciaham hetaj pracy, skazaŭ ministr, źjaŭlajecca razhlad pieraliku pytańniaŭ, uklučanych u paradak dnia hetaha pasiadžeńnia.
A.Sierdziukoŭ vykazaŭ upeŭnienaść, što kanstruktyŭnaje abmierkavańnie dadzienych pytańniaŭ i pryniaćcie pa ich nieabchodnych rašeńniaŭ "budzie sadziejničać vykanańniu zadač pa stvareńni sistemy ŭzbrojenaj abarony sajuznaj dziaržavy ŭ miežach adzinaj abaronnaj prastory".
Nahadajem, členy kalehii majuć namier razhledzieć pytańni, źviazanyja z realizacyjaj Płana sumiesnych mierapryjemstvaŭ ministerstvaŭ abarony Respubliki Biełaruś i Rasijskaj Fiederacyi pa arhanizacyi vajennaj biaśpieki sajuznaj dziaržavy na 2007—2009 hady, uzajemadziejańniem u halinie radyjoelektronnaj baraćby i supracoŭnictvam u vajenna-navukovaj śfiery, a taksama abmierkavać płan pracy sumiesnaj kalehii na 2008 hod.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary