Kiraŭnik Ukrainskaj pravasłaŭnaj carkvy Kijeŭskaha patryjarchatu Fiłaret zaklikaŭ ŭkraincaŭ abjadnacca, a śviet dać adpor rasijskamu ahresaru. Pra heta havorycca ŭ jaho zvarocie patryjarcha.
«Paklikańnie Carkvy — śviedčańnie praŭdzie. Tamu nieabchodna dać maralnuju acenku aneksii, abo lepš skazać — anšlusu Krymu, napiaredadni ździejśnienaha Rasijskaj Fiederacyjaj.
Jak zajaviŭ Fiłaret, «u vystupie 18 sakavika ŭ Kramli prezident Rasii Pucin vykarystaŭ srodak djabła — źmiašaŭ praŭdu z chłuśnioj. Pierakanany, što paŭpraŭda, jakuju z vusnaŭ kiraŭnika rasijskaj dziaržavy čuŭ ŭvieś śviet, horš za chłuśniu — jak prychavanaja ŭ ježu atruta bolš niebiaśpiečnaja, čym atruta vidavočnaja», — havorycca ŭ zvarocie kiraŭnika UPC KP.
Patryjarch UPC zaznačyŭ, što śviaty abaviazak kožnaha — dapamahać abaraniać ad napadnika naš ahulny ŭkrainski dom.
Patryjarch Fiłaret zaklikaŭ zhurtavacca. Pry hetym jon adznačyŭ, što narod nie maje i nie pavinien mieć nijakaj nianaviści ci varožaści da rasijskaha narodu, navat va ŭmovach vajennaj ahresii.
Kamientary