Adpaviedny ŭkaz № 130 «Ab uniasieńni źmianieńniaŭ i dapaŭnieńniaŭ va ŭkaz prezidenta Respubliki Biełaruś ad 7 lutaha 2006 h. № 80» Alaksandr Łukašenka padpisaŭ 20 sakavika.
Novyja praviły praduhledžvajuć admienu paasobnaha konkursu dla vypusknikoŭ sielskich i haradskich škoł, admienu prafiesijna-psichałahičnaha surazmoŭja dla niekatorych fakultetaŭ, a taksama pašyreńnie metavaj padrychtoŭki pa ŭsich śpiecyjalnaściach.
U pryvatnaści, novaja redakcyja praviłaŭ dazvalaje zaklučać damovy ab metavaj padrychtoŭcy śpiecyjalista pamiž arhanizacyjaj-zamoŭcaj kadraŭ i abituryjentam niezaležna ad miesca jaho pražyvańnia i adznak pa pradmietach ustupnych vyprabavańniaŭ. U ramkach pašyreńnia metavaj padrychtoŭki pavialičvajecca taksama pryjom abituryjentaŭ va ŭstanovy vyšejšaj adukacyi pa sielskahaspadarčych śpiecyjalnaściach da 60% ad kantrolnych ličbaŭ pryjomu, pa inšych śpiecyjalnaściach — da 40 %; va ŭstanovy siaredniaj śpiecyjalnaj adukacyi — pa sielskahaspadarčych i miedycynskich śpiecyjalnaściach da 60% ad kantrolnych ličbaŭ pryjomu, pa inšych śpiecyjalnaściach — da 30%.
VNU atrymali mahčymaść praviadzieńnia dadatkovaha naboru pa ŭsich śpiecyjalnaściach na volnyja miescy, jakija zastalisia paśla zaličeńnia abituryjentaŭ. Terminy i ŭmovy naboru budzie vyznačać Ministerstva adukacyi.
U adpaviednaści z praviłami, davieranyja asoby abituryjentaŭ atrymali prava na padaču dakumientaŭ u pryjomnyja kamisii ŭstanoŭ adukacyi.
Praviłami ŭvodzicca šerah prefierencyj dla abituryjentaŭ, jakija pastupajuć va ŭstanovy vyšejšaj adukacyi na śpiecyjalnaści sielskahaspadarčaha profilu, piedahahičnyja i vajennyja, a taksama fizičnaj kultury i sportu.
Novyja praviły pryjomu ŭ VNU i SSNU płanavałasia pryniać da listapada 2013 hoda. U kancy žniŭnia staršynia Dziaržaŭnaj kamisii pa kantroli za chodam padrychtoŭki i praviadzieńnia ŭstupnych vyprabavańniaŭ va ŭstanovach vyšejšaj i siaredniaj śpiecyjalnaj adukacyi Anatol Rubinaŭ paviedamiŭ žurnalistam, što kamisija budzie rekamiendavać hetyja terminy Minadukacyi.
«Kab nie atrymałasia tak, što my napiaredadni novaj ustupnaj kampanii pačniem ich mianiać. Treba zrabić heta zahadzia, kab ludzi pahladzieli, vyvučyli i pryzvyčailisia da źmienaŭ», — rastłumačyŭ jon.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty50
Kamientary