Адпаведны ўказ № 130 «Аб унясенні змяненняў і дапаўненняў ва ўказ прэзідэнта Рэспублікі Беларусь ад 7 лютага 2006 г. № 80» Аляксандр Лукашэнка падпісаў 20 сакавіка.
Новыя правілы прадугледжваюць адмену паасобнага конкурсу для выпускнікоў сельскіх і гарадскіх школ, адмену прафесійна-псіхалагічнага суразмоўя для некаторых факультэтаў, а таксама пашырэнне мэтавай падрыхтоўкі па ўсіх спецыяльнасцях.
У прыватнасці, новая рэдакцыя правілаў дазваляе заключаць дамовы аб мэтавай падрыхтоўцы спецыяліста паміж арганізацыяй-замоўцай кадраў і абітурыентам незалежна ад месца яго пражывання і адзнак па прадметах уступных выпрабаванняў. У рамках пашырэння мэтавай падрыхтоўкі павялічваецца таксама прыём абітурыентаў ва ўстановы вышэйшай адукацыі па сельскагаспадарчых спецыяльнасцях да 60% ад кантрольных лічбаў прыёму, па іншых спецыяльнасцях — да 40 %; ва ўстановы сярэдняй спецыяльнай адукацыі — па сельскагаспадарчых і медыцынскіх спецыяльнасцях да 60% ад кантрольных лічбаў прыёму, па іншых спецыяльнасцях — да 30%.
ВНУ атрымалі магчымасць правядзення дадатковага набору па ўсіх спецыяльнасцях на вольныя месцы, якія засталіся пасля залічэння абітурыентаў. Тэрміны і ўмовы набору будзе вызначаць Міністэрства адукацыі.
У адпаведнасці з правіламі, давераныя асобы абітурыентаў атрымалі права на падачу дакументаў у прыёмныя камісіі ўстаноў адукацыі.
Правіламі ўводзіцца шэраг прэферэнцый для абітурыентаў, якія паступаюць ва ўстановы вышэйшай адукацыі на спецыяльнасці сельскагаспадарчага профілю, педагагічныя і ваенныя, а таксама фізічнай культуры і спорту.
Новыя правілы прыёму ў ВНУ і ССНУ планавалася прыняць да лістапада 2013 года. У канцы жніўня старшыня Дзяржаўнай камісіі па кантролі за ходам падрыхтоўкі і правядзення ўступных выпрабаванняў ва ўстановах вышэйшай і сярэдняй спецыяльнай адукацыі Анатоль Рубінаў паведаміў журналістам, што камісія будзе рэкамендаваць гэтыя тэрміны Мінадукацыі.
«Каб не атрымалася так, што мы напярэдадні новай уступнай кампаніі пачнем іх мяняць. Трэба зрабіць гэта загадзя, каб людзі паглядзелі, вывучылі і прызвычаіліся да зменаў», — растлумачыў ён.
Цяпер чытаюць
Бацька са Слуцка папрасіў дзяржаву забраць яго дзяцей дзеля аднаўлення маральных сіл1
Каментары