U Biełarusi pravierać, jak nasielnictva raźmiarkoŭvaje svoj čas

Pra heta paviedamili ŭ Nacyjanalnym statystyčnym kamitecie.

Abśledavańnie biudžetu času pravodzicca ŭ 2014—2015 hadach u adpaviednaści sa Stratehijaj raźvićcia dziaržaŭnaj statystyki Respubliki Biełaruś na pieryjad da 2017 hoda i ŭ metach vykanańnia mierapryjemstvaŭ Nacyjanalnaha płana dziejańniaŭ pa zabieśpiačeńni hiendarnaj roŭnaści na 2011—2015 hady. Dadzienaje abśledavańnie arhanizujecca ŭ ramkach realizacyi prajekta mižnarodnaj techničnaj dapamohi «Sadziejničańnie va ŭmacavańni patencyjału nacyjanalnaj statystyčnaj sistemy ŭ halinie vytvorčaści, analizu i raspaŭsiudu hiendarna-relevantnaj infarmacyi ab nasielnictvie» pry padtrymcy Fondu AAN u halinie narodanasielnictva (JUNFPA) i Dziciačaha fondu AAN (JUNISIEF).

Asnoŭnaja meta praviadzieńnia abśledavańnia biudžetu času — atrymańnie aficyjnaj statystyčnaj infarmacyi ab raźmierkavańni sutačnaha fondu času nasielnictva pa napramkach jaho vykarystańnia, infarmacyi ab vydatkach času na vykanańnie roznych vidaŭ dziejnaści ŭ pracesie pracoŭnaj zaniataści, udziele ŭ adukacyjnych prahramach, vykanańni chatnich abaviazkaŭ, dohladzie dziaciej i ich vychavańni ŭ volny čas.

Praviadzieńnie abśledavańnia dazvolić vyjavić adroźnieńni ŭ vykarystańni času (usiaho sutačnaha fondu času i jaho asobnych častak) pamiž mužčynami i žančynami, darosłym nasielnictvam i dziećmi, haradskimi i sielskimi žycharami, a taksama daść mahčymaść vyvučyć uzajemasuviaź sacyjalna-demahrafičnych charaktarystyk nasielnictva respubliki (uzrostu, siamiejnaha stanovišča, najaŭnaści dziaciej i ŭzroŭniu materyjalnaj zabiaśpiečanaści) i jaho biudžetu času.

Vyniki abśledavańnia dapoŭniać sistemu pakazčykaŭ hiendarnaj statystyki dla manitorynhu prahresu ŭ zabieśpiačeńni roŭnych mahčymaściaŭ dla žančyn i mužčyn va ŭsich śfierach žyćcia.

Budzie pašyranaja sistema pakazčykaŭ, jakija charaktaryzujuć umovy i jakaść žyćcia nasielnictva. Hetaja aktualnaja infarmacyja moža być vykarystanaja pry raspracoŭcy, realizacyi i manitorynhu sacyjalnaj palityki ŭ halinie pracy, kultury, siamji i moładzi.

U abśledavańni biudžetu času voźmuć udzieł 6 tys. chatnich haspadarak, jakija pražyvajuć na terytoryi respubliki (0,2 % ad hienieralnaj sukupnaści chatnich haspadarak). Apytańniem buduć achoplenyja ŭsie členy chatnich haspadarak va ŭzroście ad 10 hadoŭ. Udzieł u abśledavańni dobraachvotny.

Abśledavańnie biudžetu času budzie pravodzicca ciaham poŭnaha 12-miesiačnaha pieryjadu (z krasavika 2014 h. pa sakavik 2015 hoda) i achopić usie dni tydnia. Zbor infarmacyi budzie ažyćciaŭlacca pa nastupnych formach dziaržaŭnych statystyčnych nazirańniaŭ: «Dziońnik vykarystańnia času (dla asob va ŭzroście ad 15 hadoŭ)», «Dziońnik vykarystańnia času (dla dziaciej va ŭzroście 10-14 hadoŭ)». Členy adnoj chatniaj haspadarki buduć vieści chranałahičnuju i poŭnuju rehistracyju ŭsich svaich zaniatkaŭ za adzin i toj ža dzień. Pry hetym kožny respandent zapoŭnić dva dziońniki: adzin za budny dzień (paniadziełak- piatnica) i druhi za vychadny (subota abo niadziela).

Pavodle pryniataj u prahramie abśledavańnia kłasifikacyi vidaŭ dziejnaści ŭ biudžecie času nasielnictva vyłučajucca takija asnoŭnyja elemienty, jak pracoŭny čas i čas, źviazany z pracaj; čas, źviazany z navučańniem; čas na viadzieńnie chatniaj haspadarki (u tym liku na pracu ŭ asabistaj padsobnaj haspadarcy, na sadovym, dačnym i inšym ziamielnym učastku ); čas na dohlad dziaciej; volny čas (sport i aktyŭnyja vidy dziejnaści, zachapleńni i hulni); čas na zadavalnieńnie fizijałahičnych patrebaŭ (uklučajučy son); inšyja vydatki času.

Takaja kłasifikacyja vidaŭ dziejnaści daść mahčymaść atrymać infarmacyju, jakaja charaktaryzuje suadnosiny pracoŭnaha i volnaha času nasielnictva, asnoŭnyja (pryjarytetnyja) vidy volnaha času, infarmacyju, jakaja charaktaryzuje ład žyćcia roznych hrup nasielnictva respubliki, adznačyli ŭ Biełstacie.

Orhany dziaržaŭnaj statystyki harantujuć pryvatnaść pradstaŭlenaj u chodzie abśledavańnia asabistaj infarmacyi. Dadzienyja pa kankretnych chatnich haspadarkach buduć vykarystoŭvacca dla farmavańnia aficyjnaj statystyčnaj infarmacyi, a taksama ŭ vyhladzie, jaki nie dazvalaje identyfikavać kankretnaha respandenta, — dla pabudovy makrafajłaŭ.

• 0
• 0
• 0
• 0
• 0
• 0
• 0
• 0