Pieramovy kiraŭnika MZS Rasii Siarhieja Łaŭrova i dziaržsakratara ZŠA Džona Kiery, jakija doŭžylisia čatyry hadziny, zaviaršylisia biezvynikova. Ab hetym piša The New York Times.
Kiery paśla sustrečy skazaŭ žurnalistam, što pahadziŭsia z rasijskim kaleham pra važnaść znachodžańnia dypłamatyčnaha rašeńnia i adnačasova zadavalnieńnia patrabavańniaŭ ukrainskaha naroda. Dziaržsakratar adznačyŭ, što baki razyšlisia ŭ acency padziej, jakija pryviali da kryzisu.
U svaju čarhu, Łaŭroŭ zajaviŭ, što sustreča była kanstruktyŭnaj, i kiraŭniki źniešniepalityčnych viedamstvaŭ raźličvajuć na chutki praciah dyskusij.
Akramia taho, Łaŭroŭ zajaviŭ, što Rasija i ZŠA buduć sumiesna pracavać z ukrainskimi ŭładami, damahajučysia vyrašeńnia kryzisu ŭ krainie, a taksama sačyć za vykanańniem va Ukrainie pravoŭ nacyjanalnych mienšaściaŭ. Dla hetaha, pa słovach ministra, jon budzie jašče nie raz sustrakacca z Džonam Kiery.
Pieramovy Kiery i Łaŭrova ŭ Paryžy stali pieršaj aficyjnaj sustrečaj pradstaŭnikoŭ ZŠA i Rasii paśla taho, jak Vašynhton 20 sakavika uvioŭ pašyranyja sankcyi suprać Rasii.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary