U Dziarždumu ŭniesieny zakonaprajekt ab kryminalnaj adkaznaści svajakoŭ asudžanych za złačynstvy suprać hramadskaj biaśpieki.
Aŭtaram papravak vystupiŭ deputat ad ŁDPR Raman Chudziakoŭ, pieradaje «Echo Moskvy». Zhodna z papraŭkami ŭ vypadku ździajśnieńnia asobaj złačynstva suprać hramadskaj biaśpieki kryminalnaj adkaznaści taksama buduć padlahać jaho blizkija svajaki, u tym liku i ŭ vypadku śmierci złačynca.
Rasiejski abmudsmen Uładzimir Łukin suprać zakonaprajekta ab kryminalnaj adkaznaści svajakoŭ terarystaŭ.
Razam z tym, błohier Andrej Sklaraŭ ličyć, što z nahody baraćby z teraryzmam u Dziarždumu ŭniesieny zakonaprajekt «žachlivaj represiŭnaj mocy».
«Złačynstvy suprać hramadskaj biaśpieki - heta ceły raździeł Kryminalnaha Kodeksa, 23 artykuła KK RF, siarod ich 214 «Vandalizm», 213 «Chulihanstva» i 212 «Masavyja biesparadki», jakija rehularna prymianiajucca suprać palityčnych apanientaŭ ułady. Režym atrymaje mahčymaść presavać svajakoŭ asudžanych, naprykład, za padziei na Bałotnaj, apazicyjanieraŭ.
«Chulihanka», 213-i artykuł u pryncypie adnosicca da papularnych. Pa im u Rasiei siadziać niekalki dziesiatkaŭ tysiač čałaviek. Zhodna z uniesienym zakonaprajektam, svajaki źniavolenych pa chulihancy, roŭna jak i svajaki asudžanych za što-niebudź nakštałt 219 KK RF - «Parušeńnie praviłaŭ pažarnaj biaśpieki», padpadajuć pad kryminalnuju adkaznaść», - piša Sklaraŭ.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty50
Kamientary