У Дзярждуму ўнесены законапраект аб крымінальнай адказнасці сваякоў асуджаных за злачынствы супраць грамадскай бяспекі.
Аўтарам паправак выступіў дэпутат ад ЛДПР Раман Худзякоў, перадае «Эхо Москвы». Згодна з папраўкамі ў выпадку здзяйснення асобай злачынства супраць грамадскай бяспекі крымінальнай адказнасці таксама будуць падлягаць яго блізкія сваякі, у тым ліку і ў выпадку смерці злачынца.
Расейскі абмудсмэн Уладзімір Лукін супраць законапраекта аб крымінальнай адказнасці сваякоў тэрарыстаў.
Разам з тым, блогер Андрэй Скляраў лічыць, што з нагоды барацьбы з тэрарызмам у Дзярждуму ўнесены законапраект «жахлівай рэпрэсіўнай моцы».
«Злачынствы супраць грамадскай бяспекі - гэта цэлы раздзел Крымінальнага Кодэкса, 23 артыкула КК РФ, сярод іх 214 «Вандалізм», 213 «Хуліганства» і 212 «Масавыя беспарадкі», якія рэгулярна прымяняюцца супраць палітычных апанентаў улады. Рэжым атрымае магчымасць прэсаваць сваякоў асуджаных, напрыклад, за падзеі на Балотнай, апазіцыянераў.
«Хуліганка», 213-і артыкул у прынцыпе адносіцца да папулярных. Па ім у Расеі сядзяць некалькі дзесяткаў тысяч чалавек. Згодна з унесеным законапраектам, сваякі зняволеных па хуліганцы, роўна як і сваякі асуджаных за што-небудзь накшталт 219 КК РФ - «Парушэнне правілаў пажарнай бяспекі», падпадаюць пад крымінальную адказнасць», - піша Скляраў.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары