Kala 20 bajcoŭ, uzbrojenych aŭtamatami, bitami i vintoŭkami, znachodziacca na ŭsich pavierchach. Na rukavach u ich paviazki z nadpisam «Apłot».
Milicyja i supracoŭniki budynka zachoŭvajuć spakoj — na svaich pracoŭnych miescach znachodziacca mer Daniecka i inšyja rabotniki aparatu.
Jak raspavioŭ staršynia strukturnaha padraździaleńnia charkaŭskaha «Apłota» Alaksandr Zacharčanka, meta ich ŭvachodu ŭ budynak — damahčysia ad kijeŭskaj ułady praviadzieńnia refierendumu ab terytaryjalnym statusie Danieckaj vobłaści.
«Pieršaja naša meta — my chočam ahučyć patrabavańni da kijeŭskaj ułady… Budziem znachodzicca, tut pakul našy patrabavańni nie buduć vykananyja», — skazaŭ jon.
Adkazvajučy na ŭdakładniajučaje pytańnie, Zacharčanka rastłumačyŭ, što ich hałoŭnaje patrabavańnie — heta praviadzieńnie refierendumu ab terytaryjalnym statusie Danieckaj vobłaści.
Jon zajaviŭ, što na siońniašnim pasiadžeńni vykankama Danieckaha haradskoha savieta «Apłot» ahučać svaje patrabavańni.
Ciapier «apłotaŭcy» viaduć pieramovy, kab milicyja, jakaja achoŭvaje budynak, pakinuła jaho.
Kamientary