Cichanoŭskaja: Pratest 2020 hoda byŭ razhromleny z brutalnaj siłaj i teroram. Ale nie sama supolnaść
Siońnia Śviatłana Cichanoŭskaja vystupiła ź lekcyjaj «Budavańnie krainy z vyhnańnia» ŭ Ekanamičnym univiersitecie ŭ Krakavie. U sustrečy ŭziali ŭdzieł studenty i pradstaŭniki ŭniviersiteta, paviedamlaje jaje pres-słužba.
Paśla lekcyi adbyłasia praciahłaja dyskusija pra budučyniu Biełarusi, demakratyčnyja instytuty, vykliki vyhnańnia i padrychtoŭku da pieramien.
«Na žal, pratest byŭ razhromleny z brutalnaj siłaj i teroram. Ale nie sama supolnaść. Padziei 2020 hoda źmianili naš narod. Kali ludzi adnojčy adčujuć svabodu, jany nikoli ad jaje nie admoviacca. Navat siońnia, niahledziačy na represii i vyhnańnie, naša hramadzianskaja supolnaść praciahvaje pracavać. Tak, za nami niama dziaržavy — jaje zachapili Łukašenka i Pucin. Tamu nam daviałosia stvaryć paralelnuju — Biełaruś 2.0», — skazała Śviatłana Cichanoŭskaja.
Jana raskazała, što kali jaje pytajucca, što dapamahaje zastavacca na suviazi i być aktualnymi dla žycharoŭ Biełarusi, jana kaža: «Boža, błasłavi internet».
«I ja ščyra ŭ hetym pierakananaja. Dziakujučy internetu my padtrymlivajem suviaź ź ludźmi na miescach. Ludzi čytajuć adnyja i tyja ž naviny. I jany mohuć biaśpiečna ŭdzielničać u palityčnym žyćci», — kaža Cichanoŭskaja.
Demakratyčnaja lidarka adkazała na pytańnie, čym dapamahčy ciapier.
«Nam patrebna bolš kantaktaŭ i bolš stypiendyj dla studentaŭ. Nam treba padrychtavać novuju biełaruskuju elitu. Nam patrebnyja ludzi ź jeŭrapiejskaj adukacyjaj i kaštoŭnaściami, z novymi idejami i vieraj u demakratyju. Ja prašu vas nie vypuskać Biełaruś z-pad uvahi, raźvivać sumiesnyja prajekty i inicyjatyvy i arhanizoŭvać mierapryjemstvy. Kali vy student ci daśledčyk, vy možacie pravodzić daśledavańni i pisać navukovyja pracy, pryśviečanyja Biełarusi. My prosim vas być našymi sajuźnikami i iści z nami pa šlachu da svabody», — skazała jana.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary
Jana ab čym? Kaho jana maje na ŭvazie pad supolnaściu? U nas TUT razhromlena ŭsio! Moža jana kaža pra supołki za miažoj?
Kali Paźniak kamunikavaŭ ź biełarusami ŭnutry Biełarusi z dapamohaj elektronnych srodkaŭ suviazi - faksaŭ (kali interneta jašče ni ŭ koha nie było ŭ Biełarusi), to hrupa padtrymki Cichanoŭskaj kpiła ź jaho. A kali Cichanoŭskaja kamunikuje takim ža čynam - dopisami ŭ instahramach-telehramach, to ź jaje čamuści nie kpiać, jak z Paźniaka.