Adeskija sieparatysty abviaścili ŭ internecie «adeskuju respubliku»
Adeski «Antymajdan» abviaściŭ Adeskuju vobłaść «Adeskaj narodnaj respublikaj» i zaklikaŭ žycharoŭ horada błakavać ruch transpartu.
Adpaviedny zvarot apublikavany na staroncy «antymajdanu» na ich sajcie, pieradaje «Interfaks-Ukraina».
«Adeskaja vobłaść abviaščajecca Adeskaj narodnaj respublikaj, dzie ŭłada naležyć tolki narodu, jaki pražyvaje na jaje terytoryi», — havorycca ŭ zajavie.
Taksama sieparatysty zaklikali žycharoŭ horada błakavać darožny ruch u Adesie.
Jany stvaryli kartu na servisie «Jandeks», dzie ŭkazali 153 kropki — piešachodnyja pierachody, na jakich adesity pavinny znachodzicca, kab pierakryć ruch transpartu.
«U 16.00 Adesa pavinna ŭstać! Litaralna! Vaša zadača ŭ paznačany čas błakavać nazvanyja na karcie transpartnyja raźviazki svaimi mašynami, piešachody — vychodźcie na «ziebry» i stojcie tam», — havorycca ŭ zakliku.
Pry hetym, jak viadoma, adeski Antymajdan źbiraje ŭsiaho niekalki dziasiatkaŭ čałaviek.
Ale, jak paviedamlała «048» miascovyja ŭłady i aktyvisty ŭžo stvaryli niekalki błokpastoŭ na ŭjeździe ŭ horad, dzie akramia milicyjantaŭ dziažurać i adesity -vałanciory.
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary