Šmyhal nazvaŭ, jakuju novuju metu pa źniščeńni va Ukrainie pastaviła sabie Rasija
Ukrainu čakaje nadzvyčaj ciažkaja zima.
Ukraina i Rasija ŭvajšli ŭ stadyju žorstkaha supraćstajańnia, imknučysia źniščyć enierhietyčnyja sistemy adzin adnaho. Jak zajaviŭ vice-premjer i ministr enierhietyki Ukrainy Dzianis Šmyhal vydańniu POLITICO, mienavita vyniki hetaj enierhietyčnaj vajny vyznačać budučy farmat mirnych pieramovaŭ.
«Heta nahadvaje 12‑y raŭnd, dzie kožny z baksioraŭ spadziajecca, što jaho supiernik upadzie pieršym», — paraŭnaŭ situacyju ministr.
Kijeŭ raźličvaje, što kampanija pa paražeńni rasijskich NPZ razam z zachodnimi sankcyjami prymusić Kreml spynić vajnu ŭžo hetaj vosieńniu.
Kali ž hetaha nie adbudziecca, Ukrainu čakaje nadzvyčaj ciažkaja zima. Pavodle słoŭ Šmyhala, taktyka Maskvy mianiajecca:
«Meta Rasii zaraz — źniščyć naša vodazabieśpiačeńnie. Minułaj zimoj jany bili pa elektraenierhii i aciapleńni, ale padčas adklučeńnia śviatła možna było vyžyć, kali jość haz i vada. Bolš za try dni biez vady i kanalizacyi vyžyć vielmi ciažka».
Praź sistematyčnyja ataki hienieracyja elektraenierhii va Ukrainie krytyčna skaraciłasia, što zmušaje prymianiać pahadzinnyja adklučeńni pa ŭsioj krainie.
«Rasijanie źniščyli abo paškodzili bolš za 80 pracentaŭ hienieracyi elektraenierhii Ukrainy», — padkreśliŭ Dzianis Šmyhal.
Ukrainski ministr reziumavaŭ: «Pucin budzie ściakać kroŭju, ale zaciahnie nas u zimu. Heta piesimistyčny scenar, ale moj aptymizm u tym, što my pieražyviom hetuju zimu».
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić31
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary
Ukraincy- aptymisty, abmiarkoŭvajuć, kali skončycca vajna, kali pieramovy, pjuć kavu ŭ kijeŭskich kafe.
Na biełarusa, jaki prapanavaŭ by pastavić letam draŭlany tualet na vulicy ŭ elitnym rajonie Kijeva, jany pahladziać jak na idyjota i nie daduć jamu heta zrabić, kab nie psavać elitny piejzaž.