U minskim Bataničnym sadzie praviaduć viačernija ekskursii pa kalekcyi hartenzij
Centralny bataničny sad Minska zaprašaje žycharoŭ i haściej stalicy na viačernija ekskursii, pryśviečanyja kalekcyi hartenzij. Mierapryjemstvy adbuducca 6 i 7 žniŭnia — u pieryjad, kali hetyja raśliny znachodziacca na piku ćvicieńnia.
Padčas ekskursij naviedvalniki zmohuć ubačyć dziasiatki sartoŭ hartenzij, daviedacca pra asablivaści ich vyroščvańnia, dohladu i padrychtoŭki kustoŭ da zimy.
U kalekcyi Bataničnaha sada pradstaŭlenyja čatyry asnoŭnyja vidy hartenzij: drevapadobnaja, jakaja dobra prystasavanaja da biełaruskich klimatyčnych umoŭ, efiektnaja miaciolčataja, a taksama bujnalistaja i pilčataja raznavidnaści.
Supracoŭniki sada raskažuć pra historyju stvareńnia kalekcyi, asablivaści roznych sartoŭ i daduć parady pa dohladzie za raślinami.
Arhanizatary adznačajuć, što koler kvietak niekatorych hartenzij moža źmianiacca ŭ zaležnaści ad składu hleby. U kisłym asiarodździ pialostki mohuć nabyvać błakitnyja adcieńni, a ŭ niejtralnaj abo słabaščołačnaj hlebie stanoviacca ružovymi ci bezavymi.
Ekskursii buduć doŭžycca kala 50 chvilin i pačynacca ŭ 18:00 kala centralnaha ŭvachoda ŭ Bataničny sad.
Košt udziełu składaje 3 rubli za poŭny bilet i 2 rubli za lhotny. Uvachod na terytoryju sada apłačvajecca asobna. Papiaredniaja rehistracyja nie patrabujecca.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary