U Ła-Manšy ŭratavali 157 mihrantaŭ, jakija sprabavali pierapłyści ŭ Vialikabrytaniju na nadzimanaj łodcy
4 žniŭnia francuzskija i brytanskija ratavalnyja słužby praviali maštabnuju apieracyju ŭ pralivie Ła-Manš, padčas jakoj dapamohu atrymali 157 čałaviek, jakija sprabavali pierapravicca z Francyi ŭ Vialikabrytaniju na nadzimanaj łodcy, piša Euronews.
Incydent adbyŭsia ŭ zonie francuzskaj pošukava-vyratavalnaj adkaznaści. U łodki zahareŭsia ruchavik, paśla čaho jana pačała razburacca. Situacyja stała krytyčnaj za niekalki chvilin, a pasažyry byli vymušanyja skakać u vadu.
Dla ratavańnia ludziej zadziejničali francuzskija ratavalnyja karabli, viertalot VMS Francyi i miedycynskija bryhady. Taksama ŭdzielničali brytanskaja ratavalnaja arhanizacyja RNLI i pamiežnaja słužba Vialikabrytanii. Francuzskija słužby vyratavali 103 čałavieki, brytanskija — 54. Usich dastavili ŭ francuzski port Bułoń-siur-Mier, dzie im akazali miedycynskuju dapamohu.
Pavodle źviestak uładaŭ, łodka adpraviłasia z francuzskaha ŭźbiarežža kala 6‑j hadziny ranicy i ŭvieś čas znachodziłasia pad nahladam ratavalnikaŭ.
Francuzskija marskija słužby adznačajuć, što mihranty časta admaŭlajucca ad dapamohi, pakul nie ŭźnikaje niepasrednaja pahroza žyćciu. Ratavalniki ž nie zaŭsiody mohuć prymusova ŭmiešvacca, bo pierahružanyja łodki mohuć pierakulicca.
Kolkaść ludziej na takich sudnach u apošnija hady raście. Kali ŭ 2021 hodzie na adnoj łodcy ŭ siarednim było kala 26 čałaviek, to ciapier hety pakazčyk pavialičyŭsia prykładna da 65. U apošni čas taksama pačali źjaŭlacca bolšyja łodki daŭžynioj kala 12 mietraŭ.
30 lipienia padčas dvuch sprobaŭ pierasiačeńnia Ła-Manša zahinuli čatyry čałavieki. Pavodle aficyjnych danych, z pačatku hoda ŭ pralivie zahinuli nie mienš za 14 mihrantaŭ, u minułym hodzie achviarami takich sprobaŭ stali 29 čałaviek.
Razam z tym Francyja i Vialikabrytanija zajaŭlajuć pra źnižeńnie kolkaści paśpiachovych nielehalnych pierasiačeńniaŭ miažy. Brytanski ŭrad paviedamlaje, što dziakujučy ŭzmacnieńniu patrulavańnia i kantrolu kolkaść takich vypadkaŭ skaraciłasia prykładna na 50% u paraŭnańni z anałahičnym pieryjadam 2025 hoda.
Ministr unutranych spraŭ Francyi Łaran Nuńjes paviedamiŭ, što z pačatku 2026 hoda da Vialikabrytanii paśpiachova dabralisia kala 10 tysiač čałaviek suprać 24 tysiač za taki ž pieryjad minułaha hoda. Dola niaŭdałych sprobaŭ pavialičyłasia z 58% da 65%.
Maroka nazvała dźvie pryčyny napłyvu mihrantaŭ u Sieutu
Bolš za 70 tysiač mihrantaŭ pakinuli Sieutu paśla sproby praryvu
67 čałaviek zahinuli pry sprobie prarvacca ŭ Sieutu z Maroka
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj7
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary