«Jak vam možna dapamahčy ŭ raspaŭsiudžvańni našaj movy?»
Pytańnie ad Andrusia Q. «Ci płanujecca praciahvać vialikuju spravu, jakuju rabiŭ Juraś Bušlakoŭ, — dać mahčymaść tym, chto lubić movu, udaskanalvać jaje? Ci viedajecie pra sproby vydańnia biełaruskaha tłumačalnaha słoŭnika kłasičnym pravapisam? Parajcie miescy, dzie možna nabyć litaraturu kłasičnym pravapisam, moža, štości vychodzić u zamiežžy? Jak vam možna dapamahčy ŭ raspaŭsiudžvańni našaj movy?»
1) Udaskanalvać movu najlepš, čytajučy dobrych aŭtaraŭ. Taksama my na sajcie NN.BY publikujem padborki typovych pamyłak. Znojdziecie ich u rubrycy «Mova».
2) Kłasičnym pravapisam — zdajecca, nie rychtujecca. Ale Vikipiedyja daje najlepšuju mahčymaść kalektyŭnaj pracy nad takim słoŭnikam. Viedajem, što Instytut movaznaŭstva AN (ciapier adździaleńnie ŭ abjadnanym instytucie movy i litaratury) hatovy da vydańnia 14-tamovaha akademičnaha Tłumačalnaha słoŭnika biełaruskaj movy.
3) Na našu dumku, kancentracyja na kłasičnym pravapisie na siońnia nie plonnaja. Prynamsi, ukraincy tak nie rabili i nie robiać. Naadvarot, jany addali pieravahu dziejnaści na školnym pravapisie.
4) Litaratura kłasičnym pravapisam ciapier źjaŭlajecca ŭ vydańniach «Arche» i radyjo «Svaboda». U zamiežžy vielmi mała drukujecca, tam intelektualnyja siły nievialikija. Knihi kłasičnym pravapisam znojdziecie ŭ minskich kniharniach. A taksama ŭ internecie.
5) Raspaŭsiudžvańnie movy — tut sposaby dziejnaści jasnyja. 1) Umacavańnie ŚMI na biełaruskaj movie + nieinfarmacyjnych internetresursaŭ (Vikipiedyja). 2) Raźvićcio adukacyi i navuki na movie. 3) Stvareńnie vialikich tvoraŭ mastactva na movie. 4) Hramadskaja dziejnaść (hurtavańnie ludziej, dla jakich mova darahaja). 5) Palityčnaje zmahańnie (zavajova šancaŭ dla dziaržaŭnaj padtrymki movy). U asnovie ŭsiaho hetaha stary jak śviet pryncyp: treba, kab ludzi, jakim mova darahaja, dobra zarablali, uzbahačalisia i addavali na hetyja piać zadač dziesiacinu svaich prybytkaŭ. Pakazalna, što vorahi biełaruščyny najbolš zakłapočanyja na siońnia tym, kab adrezać jaje ad finansavych resursaŭ, i biełaruskija prajekty zadychajucca ad biezhrašoŭja.
-
400‑tysiačny artykuł apublikavany na sajcie «Našaj Nivy». A pra što byli 300-tysiačny, 200-tysiačny, 100-tysiačny?
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary