U histaryčnaha budynku źniali dach dyj tak i kinuli.
Voś hety budynak (adzin z abjektaŭ siadzibnaha kompleksa), što na terytoryi Śvirskaha sielskahaspadarčaha prafiesijnaha liceja ŭ vioscy Kamarova, maje taki harotny stan ad času padrychtoŭki da 4-ha Respublikanskaha ekałahičnaha foruma 2006 hoda, što ładziŭsia ŭ Miadzieli. Užo prajšło bolš hoda. Stary dach sadrali, a hrošy na novy kudyści źnikli. A ciapier nikomu niama spravy da hetaha budynka.
U svoj čas heta była tak zvanaja “Aficynia”, što adnosicca da zabudoŭ Kamaroŭskaj siadziby. Haspadarami falvarka Kamarova byli paŭstancy 1831 hoda Franc Chaminski, Stanisłaŭ Bartkievič. Apošni uładalnik - Viktar Staržynski, myślar, tearetyk, udzielnik paŭstańnia 1863 -1864 hadoŭ.
Aficynia dobra zachavałasia, choć i pabudavana da 1890 hoda. Heta dvuchskatny adnapaviarchovy pramavuholny budynak, zrobleny z cehły i atynkavany. Aficynia prymierkavana pad pakoi dla haściej i adpačyvajučych. Da niadaŭnaha času ŭ hetym budynku raźmiaščalisia šviejnyja majsterni Śvirskaha liceja.
A jaki los čakaje hety budynak? Ciažka mierkavać. Bo miadzielskaj rajonnaj viertykali, napeŭna, nie da hetaha. Pakazušny forum prajšoŭ paśpiachova, a ciapier choć trava nie raści
Kamientary